Chiefs yo dovha ya wina – tshifhinga hetshi i siho mudavhini
Kaizer chiefs yo fhiwa thendelo ya u saina mutambi wa kale wa vhukati wa cape town spurs asanele velebayi.
Hezwi zwi khou ḓa nga murahu ha musi vha tshigwada tsha u tandulula dzikhakhathi dza Premier Soccer League (DRC) vho dzhia tsheo kha mulandu wo ḓiswaho nga Spurs.
DRC hu pfala yo dzhia tsheo ya uri thendelano ya Velebayi na Spurs yo fhela nahone o vhofholowa u dzhena kha club inwe na inwe ine a funa.
Spurs yo fhungudzwa kha Motsepe Foundation Championship mafheloni a khalanwaha yo fhiraho, zwine zwa amba uri thendelano dza vhatambi dzo fhela.
Hafhu sa vhunga vha si tsha vha kha PSL, na thendelano dzavho dzi a fhela.
Chiefs yo ṱavhanya ya saina Velebayi na Luke Baartman vha Spurs, vha tshi tenda uri zwino ndi vhatambi vho vhofholowaho.
Fhedzi Spurs yo vha i tshi khou lenga u fhindula, vhari vha kha di vha vhatambi vhavho nahone kilabu ine ya khou vha toda i tea u vha fhira, zwa sia tshelede ṱhukhu ya u lifha.
U bva tsheetsho vho isa mulandu wavho kha PSL ngauri vha khou kombetshedza uri vhatambi vhavhili vha rengwe khavho, khathihi na Liam Bern, we a sainiwa nga AmaZulu FC.
Nga Musumbuluwo, ramafhungo wa SABC Sport Vho-Mazola Molefe vho vhiga uri PSL DRC yo dzhia tsheo ya uri Velebayi haho fhasi ha thendelano navho.
Chiefs ndi kale vha tshi khou tevhela Velebayi. Nga phanḓa ha khalanwaha yo fhiraho, hu pfala uri Spurs yo vha i tshi khou ṱoḓa R12 million ya mutambi uyu kha Chiefs.
Nangoho vho mbo di hana vhari a vha nga badeli heyo tshelede nahone yo vha shumela sa izwi zwino vho fhedza vho muwana mahala.
A zwi athu vha khagala arali tsheo iyi i tshi kwama Baartman na Bern,
Vhalani hafhu : Zwe ra fulufhedzisa Nabi’ – Mugudisi wa Kaizer Chiefs o dzumbulula
fhedzi a zwi vhonali uri phanele i ḓo vha haṱula nga nḓila yo fhambanaho.
Translated by Nthaduleni Rolivhuwa
