Ben Youssef u amba nga ha vhaswa vhe vha si vhonale nga Swondaha
Muthusa mugudisi wa Kaizer Chiefs Vho-Khalil Ben Youssef vho talutshedza uri ndi ngani vhatambi vhararu vhaswa vha Amakhosi vha songo wanala musi thimu i tshi kunda Stellenbosch nga 2-0 mafheloni a vhege o fhiraho.
Vha Amakhosi vho vha vha si na Flavio Silva, Nkanyiso Shinga na Ethan Chislett vho vha vha siho kha tshigwada.
Thimu yo dovha ya tamba hu si na mugudisi muhulwane Nasreddine Nabi, we a vha a tshi fanela u ya Tunisia u itela u vha na mufumakadzi wawe o huvhalaho.
Muthusi wawe Ben Youssef o vha a tshi khou langa mafheloni a vhege o fhiraho nahone o ṱalutshedza uri Silva na Chislett vha kha ḓi lindela thendelo yavho ya mushumo.
“Musi vhatambi vhaswa vha tshi vhuya vha ri ṱanganedza zwi ḓo vha khwine, vha ḓo ri ṋea thandululo nnzhi, ri khou vha lindela [thendelo dza mushumo], ri khou bvela phanḓa na u shuma,” vho ralo u ya nga iDiski Times.
“Zwithu zwa ndeme zwe ra zwi haseledza zwino kamarani ya u tshintsha ndi uri ro fhedza mutambo wa ṋamusi na Stellenbosch nahone ra thoma u humbula nga ha mutambo u tevhelaho na Polokwane City.
Tshithu tshine tsha ri konḓela vhukuma ndi u dzulela u humbula nga ha mutambo wa vhuvhili,” Ben Youssef o engedza.
“Sa mugudisi, ro lugisela pulane dza u tamba dzo fhambanaho, A, B, C, D, pulane nnzhi, ngauri vha nga huvhala kha vhugudisi ho fhiraho.
“Ngauralo kha riṋe, ri lugisela thimu yoṱhe, vhoṱhe, vha nga thoma mutambo.
Ri lugisela nyimele yoṱhe. Nahone arali vha hone u tamba, ndi mashudu arali vha siho, ndi mushumo washu u lugisela mutambo u tevhelaho.”
- Vhalani hafhu :Chiefs yo dovha ya wina – tshifhinga hetshi i siho mudavhini
Nga vhatambi vhaswa vha rathi, zwi kha di do vhonala uri Kaizer Chiefs i do toda u disa vhanwe naa.
Translated by Nthaduleni Rolivhuwa
