Siwelele FC yo khwathisa tshigwada nga vhatambi vhaswa
Siwelele FC yo divhadza vhatambi vhaswa musi i tshi khou isa phanda na u khwathisa tshigwada tshayo phanda ha musi i tshi khou thoma khalanwaha yayo ya u thoma kha mitambo ya Betway Premiership.
Kiḽaba ine ya vha Bloemfontein yo renga ṱhanziela ya u tamba kha tshigwada itshi kha SuperSport United mafheloni a khalanwaha yo fhiraho.
Zwi vhonala uri ho shanduka dzina fhedzi sa izwi vhunzhi ha vhatambi na vhalanguli vhe vha vha vhe na SuperSport vha tshi kha di shuma kha Siwelele.
Stan Matthews u kha ḓi vha mulanguli muhulwane wa tshigwada, ngeno Andre Arendse na Grant Johnson vha tshi kha ḓi vha kha tshigwada tsha thekhinikhala.
U bva mafheloni a khalanwaha yo fhiraho, SuperSport yo vha i si na mugudisi – nga murahu ha Arendse – nahone Lehlohonolo Seema o tholiwa sa mugudisi muhulwane.
Nga Ḽavhuṋa, tshigwada tsho ḓivhadza uri tsho khwaṱhisa tshigwada tshatsho nga vhatambi vhaṋa vha re na tshenzhemo nga tshifhinga tsha vhuṱambo hatsho ha ‘u vhuyelela hayani’ ngei Bloemfontein.
- vhari wana kha facebook| facebook.com/profile.
“Ri khou takalela u ṱanganedza Buhle Mkhwanazi, Relebogile Mokhuoane, Thabo Makhele na Wayde Lekay kha kilabu phanḓa ha khalanwaha ntswa,” kilabu yo ralo.
Seema o vha a tshi shuma na Vho-Mokhuoane kha Sekhukhune United kale vha sa athu u vhofhololwa.
Lekay o vha e Sweden lwa miṅwaha mivhili yo fhiraho, a tshi tamba kha tshigwada tsha FC Trollhättan na Churchill Brothers FC ngei India kha khalanwaha yo fhiraho.
Nga phanḓa ha zwenezwo, mutambi uyu o vha a tshi tamba kha TS Galaxy kha shango, nahone u vhonala a tshi ḓo vha muṅwe wa vhatambi vha re na fulufhelo ḽa nṱhesa kha bola ya milenzhe.
Mkhwanazi u bva tshe thendelano yawe na Supersport United ya fheliswa ha tsha tamba.
O imiswa nga murahu ha musi o hana u ita muhaelo wa Covid 19, zwine zwa vha zwi tshi khou lwa na milayo ya PSL, nahone zwine zwa amba uri ha tsha kona u isa phanḓa na u tamba.
Vha Siwelele fc vha do thoma fulo lavho na Golden Arrows kha mutambo une wa do vha hone nga Mugivhela vhusiku stadium tsha Dr Molemela.
Translated by Nthaduleni Rolivhuwa
