Ouaddou o Fhulufhedzisa uri u do ita khwine kha ligi na Pirates
Mugudisi muswa wa Orlando Pirates, Abdeslam Ouaddou, u khou fulufhela u isa phanḓa na mathomo awe avhuḓi musi vha tshi dzhena kha ligi.
Mugudisi wa Morocco u do vha a tshi khou langa mutambo wawe wa vhuvhili musi Pirates i tshi do tanganedza Sekhukhune United kha ligi ya Betway Premiership tshitediamu tsha Orlando nga Mugivhela.
Ouaddou o dzhia vhudzulo ha Jose Riveiro sa mugudisi wa Pirates mafheloni a khalanwaha yo fhiraho nahone u na vhuḓifhinduleli vhuhulwane.
O thoma tshifhinga tshawe kha Bucs nga u kunda Polokwane City nga 2-0 nga nḓila i khwaṱhisaho kha mutambo wa MTN8 mafheloni a vhege o fhiraho.
Ouaddou uri Pirates yo takala phanda ha mutambo wa Babina Noko sa izwi yo vha yo tutuwedziwa nga gundo kha Polokwane City.
“Ndugiselo ya mutambo wa Sekhukhune yo tshimbila zwavhuḓi nahone vhatukana vho ḓiḓowedza zwavhuḓi.
“Ngauralo, ndo takala nga ndugiselo. Vhatukana vhanga, na nṋe ro takala u thoma Betway Premiership,” ho amba Ouaddou.
Vho amba hezwi musi vha Pirates vha tshi vula mbilu kha vhoramafhungo uri vha vha vhone vha tshi khou lugisela mutambo ngei Rand Stadium nga Lavhutanu.
- vhari wana kha facebook| facebook.com/profile.
“Ri a zwi ḓivha uri khalanwaha iṅwe na iṅwe tshipikwa tshi dzula tshi nṱha vhukuma.Thimu dzoṱhe dzo ḓilugisela zwavhuḓi nahone sa zwe nda amba, tshipikwa tshi nṱha.
“Ndi ngoho uri ro ita zwavhuḓi kha MTN8 tshitediamu tsho ḓalaho vhathu,” vha isa phanḓa.
“Na kha hetshi tshifhinga ri lavhelela uri vhatikedzi vhashu vha vhuye, vha ḓadze tshitediamu u itela u ṋea vhatambi vhashu ṱhuṱhuwedzo.”
Ouaddou uri thimu yawe yo diimisela u ṱaṱisana na Sundowns, sa izwi Pirates yo fhedza i kha vhuimo ha vhuvhili murahu ha Pretoria giants lwa miṅwaha miraru i tshi khou tevhekana.
“Ri a zwi ḓivha uri vha ḓo ḓa tshitediamu tshashu vhe na ndivho khulwane, fhedzi ro ḓilugisela zwenezwo.
Ouaddou o engedza nga uri: “Nga lwa ṋama na nga vhuṱali, ro ḓilugiselela zwavhuḓi vhukuma.”
“Musi u tshi ḓa kha Orlando Pirates, tshigwada tshi na ḓivhazwakale… Hu na zwilavhelelwa zwihulwane, nahone muṅwe na muṅwe u fanela u ḓiimisela tshifhinga tshoṱhe.”
Sa vhunga Rivero o kundelwa u wina tshiphuga tsha ligi luraru, naa Ouaddou u do ita zwithu nga ndila yo fhambanaho?
Translated by Nthaduleni Rolivhuwa
