“Ndo vha ndi si tsini na u dzhena kha Chiefs,”- Fawaaz Basadien
Ndo vha ndi si tsini na u dzhena kha Chiefs, u ralo ṋaledzi ntswa ya Sundowns.
Kaizer Chiefs yo vha i sa athu vhuya ya vha mbiluni na muhumbuloni wa hoyu mutambi muswa wa Sundowns naho ho vha na mavharivhari othe musi a kha Stellies.
Mutambi muswa wa Mamelodi Sundowns Fawaaz Basadien o bvisela khagala uri o vha a sa athu vhuya a vha tsini na u dzhena kha Kaizer Chiefs.
Basadien o vha a tshi khou tamba zwavhuḓi kha Stellenbosch FC kha khalanwaha yo fhiraho, nahone ho vha hu tshi khou ambiwa nga ha vhumatshelo hawe.
- vhari wana kha facebook| facebook.com/profile.
Chiefs yo vha, nga tshiṅwe tshifhinga, i tshi vhigwa i tshi khou val kha Basadien fhedzi mutsireledzi wa Bafana Bafana o amba zwiṅwe.
Basadien o vha a tshi khou amba na Robert Marawa kha MSW kha 947 he a bvisela khagala uri u dzulela u ṱoḓa u dzhena kha Sundowns.
Naho zwo ralo, mutambi wa tsha monde o tenda uri ho vha na nyambedzano dza murahu ha uri a pfulutshele kha Chiefs fhedzi a hu na tsho bvelelaho kha zwenezwo.
Mamelodi Sundowns yo divhadza Fawaaz Basadien ubva kha Stellenbosch FC.
“Yo vha i si tsini vhukuma, u amba ngoho. Yo vha i si tsini vhukuma,” ho dzumbulula Basadien.
“Ho vha hu na, zwi tou vha khagala, dzangalelo ḽinzhi, nyambedzano na zwoṱhe fhedzi tshipikwa tshanga tshihulwane… tsheo yanga khulwane yo vha ya u dzhena kha Sundowns.
“Zwino, hezwo zo vha zwi zwone zwipikwa zwanga.”
Translated by Nthaduleni Rolivhuwa
