Mutambi wa kale wa Kaizer Chiefs o vhonala kha kilabu ntswa

Mutambi wa kale wa Kaizer Chiefs o vhonala kha kilabu ntswa

O vha e mutsireledzi wa khwiṋe wa ligi, na mutambi wa tshifhinga tshoṱhe wa Bafana Bafana, ṋaledzi iyi ya kale ya Kaizer Chiefs i khou ṱoḓa haya huswa.

Mutambi wa kale wa Kaizer Chiefs na ṋaledzi ya Bafana Bafana Njabulo Ngcobo hu khou pfhala uri o vhonala kha kilabu ntswa.

Ngcobo zwenezwino o fhandekana na Sekhukhune United he a fhedza khalanwaha nthihi fhedzi.

Zwino, u ya nga iDiski Times, Ngcobo zwa zwino u ngei kapa u itela u lingedza mashudu awe na Ḓorobo ya Kapa.

Cape Town City i vhonala i tshi khou ḓilugisela vhutshilo kha Muṱaṱisano wa Motsepe foundation. 

Hezwi naho vho lwa zwenezwino uri Marumo Gallant i vhe na phoindi uri vha kone u vhuyelela kha Betway Premiership.

Sa zwine zwithu zwa vha zwone, Galants i kha di vha kha Betway Premiership. 

Zwino, ngauri vho no xelelwa nga vhatambi vhavho vhahulwane vha si gathi, hu tshi katelwa na Thabo Nodada, City i nga vhuelwa zwavhuḓi nga tshenzhemo ya Ngcobo.

Ngcobo o nangiwa sa mutsireledzi wa khwine kha ligi nga tshifhinga tsha 2021-22, musi a sa athu saina kha Chiefs he a tamba mitambo ya 45 kha minwaha yawe miraru.

O fhedza vhege dzi si gathi na Chippa United a tshi fulufhela u wana thendelano, fhedzi mutsireledzi wa lanky zwino u Cape Town. 

“Mutsireledzi wa kale wa Sekhukhune United na Kaizer Chiefs Njabulo Ngcobo o swika Ḓoroboni ya Kapa u itela u ṱoliwa nga cape-town-city.”

“Mafhungo a zwenezwino o ṱanganedzwaho nga iDiski Times ndi a uri Ngcobo o litsha u guda na Chippa United maḓuvha a si gathi o fhiraho. 

• Vhalani hafhu : Pirates yo divhadza vhalambedzi  vhayo vhaswa

Zwa zwino u Mother City u itela u zwi lingedza kha Citizens fhasi ha iṱo ḽo fhaṱuwaho ḽa mugudisi muhulwane Jan Vreman na tshigwada tshawe tsha thekhinikhala.”

Translated by Nthaduleni Rolivhuwa