Pirates yo divhadza vhalambedzi vhayo vhaswa
Pirates yo divhadza vhalambedzi vhaswa
Orlando Pirates yo divhadza vhalambedzi vhayo vhaswa sa izwi vha tshi khou shumisana lwa tshiofisi na Amstel Lager.
Vhufarisani vhuswa, ho ḓivhadzwaho nga kilabu nga Ḽavhuraru nga masiari, vhu ṱanganya zwibveledzwa zwivhili zwi ḓivheaho zwo thewaho kha u fulufhedzana na vhuimo.
U fhira u sokou tikedza, vhushaka vhu swaya vhukando ha tshivhindi ha u khwaṱhisa vhuṱumani vhukati ha kiḽaba na tshitshavha.
Vhufarisani a vhu fulufhedzisi vhafuni vha bola ya milenzhe fhedzi, fhedzi na zwithu zwi sa hangwei – nga ngomu na nnḓa ha mudavhi.
“Hezwi a zwi sokou vha u ḓivhadza na u ṱuṱuwedza,” ho amba Sindi Sibisi, mulanguli wa zwa u maketa wa Orlando Pirates.
“Ndi nga ha u pembelela zwine zwa ri ṱanganya – lufuno, zwilinganyo na vhuthihi.
“U ḓikumedzela ha Amstel kha vhudavhidzani hu katela zwoṱhe zwine Pirates ya zwi imela.”
U bva kha zwifhinga zwa nga ngomu ha mutambo u ya kha zwiitea zwa nnḓa ha mutambo, vhufarisani uhu vhu lavhelelwa u takusa mutambo uri u vhe u pembelela vhukonani, u ḓikukumusa na ndivho.
Vho Andrea Quaye, mulanguli wa zwa u maketa kha Heineken Beverages, vho ombedzela ndeme ya u khwaṱhisa mvelele na zwilinganyo.
“Pirates a i sokou vha kilabu fhedzi – ndi ifa. Kha Amstel, ri tenda kha zwifhinga zwavhuḓi na vhushaka ha vhukuma.”
“Hezwi ndi zwa u fhaṱa vhushaka ha tshifhinga tshilapfu vhukati hashu, tshigwada na vhatikedzi vhatsho.”
Muambeli wa Pirates Vho-Happy Jele vho zwi amba nga nḓila yo livhaho, “Pirates yo dzulela u ita zwithu nga nḓila yo teaho…
“Itani nga u ḓikukumusa, lufuno na ndivho. Vhushaka uhu ho thewa kha lutendo: lutendo kha vhuimo, lutendo kha lufu, na lutendo kha vhuthihi.”
Nga nnḓa ha u wana thikhedzo iyi ya Amstel, zwenezwino Pirates yo wana iṅwe thikhedzo ya goloi u bva kha Suzuki.
Translated by Nthaduleni Rolivhuwa
