Ouaddou o amba nga ha vhumatshelo ha Mofokeng kha kilabu
Relebohile Mofokeng o ṋewa ngeletshedzo ya u ṱutshela Orlando Pirates ino khalanwaha fhedzi mugudisi muswa wa Bucs u na miṅwe mihumbulo kha mutambi wa miṅwaha ya 20.
Mugudisi muhulwane wa Orlando Pirates Vho-Abdeslam Vho-Ouaddou vho kwama vhumatshelo ha Vho-Relebohile Mofokeng kha tshigwada itshi.
Mutambi uyu wa minwaha ya 20 ane avha na vhukoni wa winger u khou humbulelwa uri u do ṱuwa kha tshigwada ubva mafheloni a khalaṅwaha yo fhiraho.
Mofokeng yo kunga dzangalelo ḽa thimu dzi bvaho Israele, Saudi Arabia na Amerika.
Hu tendiwa uri tshigwada tshi khou ṱoḓa u rengisa mutambi watsho wa ṋaledzi kha dzikilabu dzi re kha ligi dza nṱha dza Europe.
Buccaneers i khou ṱoḓa u wina zwihulwane kha ino khalanwaha, yo no wina fhedzi kha MTN8 kha fulo ḽo fhiraho.
Musi mugudisi muswa Abdeslam Ouaddou a tshi khou dzhia vhuimo, zwi kha ḓi ḓo vhonala arali Mofokeng a tshi ḓo dzula kha Orlando Pirates kha vhege dzi ḓaho.
Mugudisi wa Morocco, naho zwo ralo, u ṱoḓa uri muswa uyu a tambe iṅwe khalanwaha kha PSL.
“Mutambi a re na vhukoni nga u rali u kunga zwigwada zwinzhi,” Ouaddou o ralo.
“Ndi a fulufhela bodo, ndi fulufhela kilabu… Ndi muṅwe wa vhatambi makone nahone ri khou mu ṱoḓa uri a ṱaṱisane kha vhuimo ha nṱhesa.
Ri ṱoḓa vhatambi vha lushaka ulu kha thimu.
Sa mugudisi, ndi kha ḓi vha na fulufhelo fhedzi kha bola ya milenzhe, a u vhuyi wa ḓivha zwine zwa nga itea.
“Ndi a fulufhela uri u ḓo dzula na riṋe fhedzi ri ḓo vhona,” o ralo.
Orlando Pirates yo tamba mutambo wayo wa u vula na Polokwane City mafheloni a vhege o fhiraho kha MTN8 nahone Mofokeng o tamba miniti ya 90 yo fhelelaho.
- Vhalani hafhu : Grobler o vhea zwipikwa zwawe kha Sekhukhune
A nga kha ḓi dzula kha iṅwe khalanwaha sa izwi Buccaneers yo lindela ‘thimu yo teaho’.
Translated by Nthaduleni Rolivhuwa
