Hunt o khwaṱhisedza u kundelwa u wana mutambi wa kale wa Orlando Pirates
‘Ngauralo a ri athu pfa nga hae, ngauralo ri [khamusi] fanela u bvela phanḓa, ndi tshiṅwe tsha zwenezwo zwithu,’ Hunt kha mutambi wa kale wa Pirates.
Mugudisi muhulwane wa Durban City Vho-Gavin Hunt vho khwathisedza uri vho amba na mutambi wa kale wa Orlando Pirates Vho-Zakhele Lepasa vha tshi khou toda tshumelo dzavho.
Mutambi wa phanḓa wa Bafana Bafana wa miṅwaha ya 28 o shuma fhasi ha mugudisi wa miṅwaha ya 60 nga tshifhinga tsha u kolodwa lwa miṅwedzi ya rathi kha SuperSport United,
He a dovha a wana fomo yawe. Lepasa o vhidzwa nga Pirates nahone o dovha a imela Bafana Bafana, he a vha thusa u dzhena kha khapi ya dzitshaka dza Afrika ya 2023.
Mashudu mavhi, u huvhala zwo imisa mvelaphanḓa yawe, nahone a si tsha dzhena kha thonamennde, ye ya vha hone mathomoni a 2024.
Kha khalanwaha yo fhiraho, o kundelwa u tamba kha Buccaneers nga ṅwambo wa u huvhala, nahone mafheleloni, o mbo ḓi bviswa kha tshigwada.
Hunt we a dzhena kha Durban City nwedzi wo fhelaho, o amba uri mutambi wa kale wa Orlando Pirates ho ngo ṱanganedza mushumo wawe.
- vhari wana kha facebook| facebook.com/profile.
Mutambi wa lanky o vha a tshi khou ṱangana na thimu dzo vhalaho vhege dzo fhiraho hu tshi katelwa na Kaizer Chiefs.
“Ee, ndi muthu we ra sendela tsini hawe fhedzi zwi tou vha khagala… Ndi humbula uri u na miṅwe mihumbulo, mutukana… ngauralo a ri athu pfa nga hae,
Ngauralo ri fanela u bvela phanḓa, ndi tshiṅwe tsha zwenezwo zwithu,” mugudisi wa kale wa SuperSport United o vhudza iDiski Times.
Hunt o kundelwa u fara ṋaledzi ya kale ya Orlando Pirates Zakes Lepasa.
U bva tshe a ṱuwa kha Pirates, Lepasa o vha a tshi khou ḓiḓowedza na Bafana Bafana phanḓa ha mutambo wa CHAN.
- Vhalani hafhu :Ouaddou o amba nga ha vhumatshelo ha Mofokeng kha kilabu
Afrika Tshipembe li khou tamba na Algeria kha mutambo wavho wa u vula khlaṅwaha
Translated by Nthaduleni Rolivhuwa
