Muhulwane wa Chiefs o badela tshelede nnzhi u dzudzanya ṱhalano

Muhulwane wa Kaizer Chiefs vho badela tshelede nnzhi vhukuma ya R2.2 million kha pentsheni yavho u itela u badela mufumakadzi wavho.

Tshelede iyi ndi tshipida tsha u dzudzanya hawe ṱhalano, zwine hu pfi zwo tshuwisa vhane vha vha tsini na muhulwane.

Sunday World i vhiga uri muhulwane — ane a vha muṅwe wa vhana vha mudzulatshidulo wa kilabu Kaizer Motaung — o ṅwalisa ṱhalano ṅwaha wo fhiraho.

Hu pfala uri vhushaka hawe na mufumakadzi wawe wa kale ho no tshinyala lune vha si tsha kona u pfumedzana.

Mbingano yavho yo fheliswa lwa tshiofisi zwenezwino, musi khothe khulwane ya Johannesburg i tshi vha ṋea ṱhalano.

Maṅwalo a khothe a sumbedza uri R2.2 miḽioni i ḓo bva kha Tshikwama tsha  FundsAtWork Umbrella Pension Fund.

Tshikwama tsho laedzwa uri tshi fhirisele tshelede kha muthu o teaho.

Sa tshipiḓa tsha u dzudzanya, mulanguli u ḓo vhulunga nnḓu yavho khulwane ngei Johannesburg.

• vhari wana kha facebook| facebook.com/profile.

Mufarisi wawe wa kale u ḓo wana SUV ya vhuimo ha nṱha, fanitshara, na tshelede ya u tshila ṅwedzi muṅwe na muṅwe.

Mulanguli o tenda u badela zwi tevhelaho:

R2 000 ya ṅwedzi muṅwe na muṅwe ya ṱhogomela  ṅwana, .

R7 500 u ya nga mutengo wa fhethu hune mufarisi wawe wa kale a ḓo dzula hone kha 20km u bva hayani havho ha kale.

Hu pfi mulanguli wa Chiefs o thoma maitele a ṱhalano, a amba kha maṅwalo a khothe uri vhushaka havho ho vha ho “fhandekana nga nḓila i sa lugisei.”

Vho amba uri hezwi zwi khou itiswa nga u fhambana ha zwipikwa zwa vhutshilo na nḓila dza vhutshilo.

Naho mathomoni mufarisi wawe wa kale o vha o ḓiimisela u lwa na ṱhalano, mafhungo o fheleledza o dzudzanywa nnḓa ha khothe.

Mulanguli wa Chiefs, ane a nga si bulwe dzina nga nṱhani ha zwiitisi zwa mulayo, o zwi bvisela khagala uri: vhushaka havho vhu nga si kone u lugiswa.

• VHALANI HAFHU | Ee, ri na dzangalelo kha Zakhele Lepasa’ – kiḽaba ya PSL

Nahone zwino u ḓo livhisa ṱhogomelo kha u thoma ndima ntswa, kha vhutshilo hawe ha muthu nga eṱhe na ha mushumo.

Translated by Nthaduleni Rolivhuwa