Tshifhaṱuwo tshiswa tsho vhonala kha Pirates ngei Spain
Vhatambi vha Orlando Pirates vho vha vha tshi vhonala vho dzula Spain na zwifhaṱuwo zwo ḓoweleaho zwo vhonalaho.
Muṅwe mutambi we a vhonala a tshi khou guda na tshigwada o vha e na Galaxy.
Orlando Pirates zwa zwino i Spain kha pre-season yayo ine ya katela vhatambi vhaswa vha tahe.
Nga Ḽavhuvhili, ho vhonala tshifhaṱuwo tshiswa tshi tshi khou guda na Buccaneers.
Mutambi uyu hu tendiwa uri ndi mutsireledzi wa TS Galaxy Lebone Seema.
Thimu ya nyanḓadzamafhungo ya Pirates i kha ḓi ḓo khwaṱhisedza u saina ha mutambi uyu fhedzi muṋe wa TS Galaxy Vho-Tim Sukazi vho ṋea ngeletshedzo ya uri mutambi uyu o dzhena kha tshigwada tsha Soweto.
“Yo vha i thendelano ya vhavhili.O vha a tshi kha di vha na thendelano na rine.O humbela u vhofhololwa nga nthani ha u shaya game-time nahone a fhiwa clearance yawe,” Sukazi o vhudza KickOff.
Orlando pirates yo swika Spain ino vhege .
- vhari wana kha facebook| facebook.com/profile.
Buccaneers yo saina vhatambi vha ntha sa Oswin Appollis, Sipho Mbule na Tshepang Moremi sa izwi vha tshi khou toda u itela khaedu Mamelodi Sundowns kha mitambo ya Betway Premiership ino khalanwaha ine ya khou da.
Vha Sea Robbers vho ṱahela kha fulo ḽo fhiraho naho vho thoma zwavhuḓi.
Musi mugudisi muswa Abdeslam Ouaddou a tshi khou ṱola tshigwada tshawe ṅwedzi uno, lavhelelani vhaṅwe vhatambi vha si gathi vhane vha ḓo ita nḓila.
Ho vha na vhatambi vhanzhi vha nṱha vhe vha xelelwa nga lwendo lwa Orlando Pirates lwa u ya Spain nga ṅwambo wa u huvhala kana vha si tshipiḓa tsha pulane dza mugudisi.
- VHALANI HAFHU: Cape Town City yo xelelwa nga Thabo Nodada
Vhathu vha ngaho Olisah Ndah, Makhehlene Makhaula, Thabiso Sesane na Thabiso Lebitso vho kundelwa u ita lwendo nga ṅwambo wa mafuvhalo.
