Murwa wa Gayton McKenzie o renga kilabu ya PSL

 Calvin Le John, murwa wa tanzhe wa Minisiṱa wa Mitambo, Vhutsila na Mvelele Vho Gayton McKenzie, ndi muṋe muswa wa kiḽaba ya PSL SuperSport United – nahone MaAfrika Tshipembe a vha mangali nga “u leluwa.”

Mafhungo aya o divhadzwa nga muhashi wa zwa mitambo Vho-Robert Marawa kha platform ya X.

Kiḽaba ine hu khou pfala yo rengiswa nga rannda dza milioni dza fuṱhanu, i ḓo shandukisa dzina ḽa vhidzwa Siwelele FC.

Tshipikwa tshayo ndi u vusa maḓuvha a vhugala a Bloemfontein Celtics ine zwino a i tsha shuma, ye nga murahu ya vha Royal AM.

Kha X, Vho-Robert Marawa vho bvisa mafhungo a uri Supersport United yo rengiselwa muṋe muswa, Calvin Le John.

Thendelano iyi – ye ya ḓura R50 miḽioni – yo itea nga kha maitele o valwaho a u ṋetshedza thendelano.

Zwi takadzaho ndi uri Calvin ndi ṅwana wa Minisiṱa wa Mitambo Gayton McKenzie nahone hu pfi o shandula dzina ḽawe ḽa u fhedzisela u itela u iledza u ṱoliwa nga vhathu.

Calvin zwino u khou dzhia vhuimo ha mudzulatshidulo wa kilabu ya PSL.

U khou ṱoḓa u shandula dzina ḽa thimu lwa tshiofisi sa Siwelele FC na u ḓadza tshikhala tshe tsha siiwa nga Bloemfontein Celtics ine zwino a i tsha shuma.

Calvin Le John o amba kha tshitatamennde a ri: “Sa Siwelele FC, ri na ndugelo ya u ṋewa vhuḓifhinduleli ha u isa phanḓa na mvelele yo pfumaho ya u kunda kha PSL.

“SuperSport na MultiChoice Group vho vhea pulatifomo i sa tendisei ya miṅwaha ya 30 ine ra tama u fhaṱa khayo, arali ra nga wana vouthu ya u fhedzisela ya thendelo u bva kha Komiti ya PSL”.

Marawa o amba nga ha thendelano – na vhushaka ha Calvin na minisiṱa: “Bola ya milenzhe i na vhuimo ho khetheaho mbiluni yawe.

• VHALANI HAFHU: Naa Mailula a nga vhuyelela Afrika kana ngei Europe?

Siwelele FC a si kilabu fhedzi – ndi fulufhedziso kha vhathu vha Bloemfontein. Calvin ha khou ita hezwi u itela u ṱhogomelwa. U khou zwi itela ifa.”

Translated by Nthaduleni Rolivhuwa