Chiefs yo saina vhatambi vhavhili vhaswa, vhanwe vha kha di da?
Kaizer chiefs yo fhedza yo divhadza lwa tshiofisi u saina Thabiso Monyane na Paseka Mako.
Vhatambi vha do khwathisa mutevhe wa murahu wa thimu ya Naturena ine ya vha kha maitele a u dzudzanya hafhu.
Vhavhili avha vha kha di tou bva u swika vha tshi bva kha vhapikisi vhahulwane vha Chiefs Orlando Pirates, nahone vha disa tshenzhemo nnzhi.
Vhuvhili havho vho vha vhe tshipiḓa tsha thimu ya Pirates ine ya khou kuvhanganya zwiphuga nga u tou tevhekana lwa miṅwaha mivhili yo fhiraho.
U engedza kha zwenezwo, vho dovha vha tamba kha Caf Champions League lwa miṅwaha miraru i tevhelaho na Bucs.
Mako, mutambi wa murahu wa tsha monde ane a bva Zebediela, Limpopo.
Monyane ane a tamba kha right-back u khou lavhelelwa u khwathisa muṱaṱisano wa vhuimo uhu na Makhosi.
Vhuvhili havho vho ḓivhadzwa musi thimu i sa athu ṱuwa u ya Netherlands nga Ḽavhuṋa vhusiku, hune vha ḓo dzula henefho lwa vhege dzi si gathi vha tshi khou lugisela khalanwaha ntswa.
U swika ha Mako na Monyane zwi ita uri tshivhalo tshothe tsha vhatambi vhaswa vhe Kaizer Chiefs ya vha saina u swika zwino tshi vhe vhatanu.
Mathomoni a vhege, Amakhosi yo saina mutambi wa phanḓa Flavio Silva, mutambi wa vhukati Ethan Chislett, na mutsireledzi Nkanyiso Shinga.
Hu khou lavhelelwa u sainiwa vhanwe vhararu, uya nga fulufhedziso lo itwaho nga Kaizer Chiefs ino vhege.
Hu na vhatambi vha si gathi vhane vha ṱumana na thimu ya Naturena hu tshi katelwa Asanele Velebhayi na Feisul Salum.
U fhaṱiwa hafhu ha thimu ya Naturena zwi khou bvela phanḓa. Chiefs a i khou sokou saina vhatambi — i khou thoma tshifhinga tshiswa.
Translated by Nthaduleni Rolivhuwa
