Benni kha Mofokeng: ‘Ni songo tambisa vhukoni haṋu, iyani Europe’
Mutambi wa kale wa Bafana Bafana Benni McCarthy u tenda uri Relebohile Mofokeng u phanḓa ha mirafho ya vhatambi vhane vha khou bvelela zwino kha PSL.
Mutambi wa kale wa tshigwada tsha Bafana Bafana Benni McCarthy o eletshedza mutambi wa kale wa thimu ya Orlando pirates Relebohile Mofokeng uri a pfulutshele Europe.
Mutambi uyu wa minwaha ya 20 o vha e mutambi wa ntha kha Buccaneers lwa khalanwaha mbili zwino.
Vhanzhi vha vhona unga ndi tshone tshifhinga tsha uri a bve Afrika Tshipembe.
Nga zwiphuga zwine zwa vha kha dzina ḽawe, Mofokeng a zwi timatimisi uri ndi muṅwe wa vhatambi vha khwinesa vha PSL zwa zwino.
Benni, we a fhedza miṅwaha i si gathi kha PSL a sa athu pfulutshela kha khalanwaha ya nnḓa, u pfa uri Relebohile Mofokeng u na khonadzeo khulwane ya u ḓiitela dzina kha ḽa Europe.
“Ndo mu ṱalela lunzhi-lunzhi, nahone ndi humbula uri u na khonadzeo khulwane.
“U na muhumbulo, vhukoni ha bola ya milenzhe, na muhumbulo wa vhatambi vha bvaho kha murafho wanga,” McCarthy o ralo.
“Musi u tshi tamba Europe, u wana tshikhala tsha u tamba na vhahulwane na vha khwine. Ndi iwe u tamba na shango,” ho amba lizhakandila la Bafana Bafana.
“Ndi vhona unga u fanela u humbula nga ha u ya kha ligi ya Scotland, fhethu hu ngaho henefho, uri a kone u shuma nḓila yawe ya u gonya u bva henefho.
Rangers na Celtic tshifhinga tshoṱhe vha ṱoḓa vhatambi vhane vha nga vha ḓisa na u vha bveledza phanḓa ha musi vha tshi rengisa kha kilabu khulwane.”
Benni u pfa uri Mofokeng a nga bvelela hu si ngei Scotland fhedzi, fhedzi na ngei Portugal na Netherlands.
“Arali na bvelela henefho, ndi mafhungo a tshifhinga fhedzi musi zwigwada zwa Premier League zwi sa athu u vhidza. Ndi vhona u nga u na vhukoni, nahone u tea u ḓiṋea tshikhala.”
Translated by Nthaduleni Rolivhuwa
