Shalulile u kha divha mutambi wa sundowns

Hangwani mavhari — Vho-Peter Shalulile vha kha di vha mutambi wa Mamelodi Sundowns, nahone ahuna hune vha khou ya hone.

U fhambana na mavharivhari a zwenezwino a uri thendelano yawe yo fhela ino vhege, mutshini wa zwikoro wa Namibia u ḓo dzula Sundowns u swika nga ṅwedzi wa Fulwi 2027.

Ndi ngauri vho saina nyengedzedzo ya miṅwaha miṱanu kha thendelano yavho nga Fulwana 2022.

Ngauralo thimu iṅwe na iṅwe ine ya vha na dzangalelo ḽa u mu saina i ḓo tea u ṱoḓa nga ngomu tshikwamani tshayo u itela u mu saina.

Fhedzi ngauri o vhetshelwa u dzula kha Sundowns, mushumo wa Peter Shalulile kha kilabu ya Chloorkop wo shanduka.

Mugudisi muswa Vho-Miguel Cardoso vho mu bvisa kha vhatambi vha u thoma, zwino Iqraam Rayners, Arthur Sales, na Lebo Mothiba vha murahu hawe.

Ngoho ndi ya uri thendelano ya tshifhinganyana ya Mothiba yo engedzwa nga miṅwe miṅwaha mivhili.

Naho o vha e na tshifhinga tshiṱuku tsha u tamba — hu tshi katelwa na miminete ya 13 fhedzi kha Tshiphuga tsha Ḽifhasi tsha FIFA Club — Peter Shalulile u kha ḓi vha na vhatikedzi vhawe.

“Ndi swole. Ndi mutambi wa phanḓa a re na rekhodo yo khwaṱhisedzwaho. U ḓo vhuya kha thimu,” mutambi wa kale wa Sundowns Manqoba “Shakes” Ngwenya o vhudza Sowetan.

Shakes ho ngo dzumba u dinalea hawe nga mushumo muṱuku wa Shalulile kha Tshiphuga tsha Ḽifhasi tsha Dzikilabu.

O kombetshedza uri mutambi wa phanḓa o vha a tshi ḓo kona u vhulunga zwikhala zwe Tashreeq Matthews a zwi xedza musi vha tshi tamba na Borussia Dortmund na Fluminense.

“Zwo ntshuwisa vhukuma,” Shakes o ralo. “U sharp phanḓa ha tshipikwa. Mugudisi o vha o fanela u mu fulufhela kha mitambo iyi.”

Na dzi stats dza Shalulile dzi tikedza zwine Ngwenya a amba nga hae:

O vha e na zwikoro zwa 128 kha PSL – zwivhili fhedzi zwine zwa vha zwiṱuku kha rekhodo ya Siyabonga Nomvethe ya 129.

Musi Sundowns i tshi khou ṱoḓa u ṱaṱisana kha miṱaṱisano miṱanu kha khalanwaha i ḓaho, u ḓo vha e kha tshikhala tsha u thuba rekhodo iyi, na u vhea ntswa.

• Vhalani hafhu: Mavunḓu mavhili o bviswa kha ligi ya ABC Motsepe.

Peter Shalulile a nga vha a si muthu ane a kha ḓi tou bva u thoma, fhedzi vhuhali hawe a vhu hanedzei.

Translated by Nthaduleni Rolivhuwa