Naa Mailula a nga vhuyelela Afrika kana ngei Europe?

Cassius Mailula u kha di humbula nga ha maga awe  tevhelaho nga murahu ha musi o ṱutshela Wydad Athletic lwa tshiofisi.

Nahone mutambi ha khou ṱahela dzi kilaba dzine a fanela u dzi ṱhogomela sa izwi dzi kilaba dzi tshi khou ḓi ḓa phanḓa uri dzi mu renge kana u mu hadzima.

Mulanguli wa Cassius Mailula vhari huna ofa tharu khulwane dzine vha khou dzi lavhelesa zwa zwino.

Tshifhinga tsha Mailula tsha u hadzimiwa kha thimu ya Morocco Wydad tsho fhela ino vhege, nahone mutambi wa minwaha ya 24 o vhuyelela kha Toronto FC.

Fhedzi ngauri Toronto yo vulela u mu rengisa, vothi ḽo vulea uri a thome hafhu kha iṅwe kilabu.

“Cassius o vhuya hayani u do awela lwa tshifhinga nyana” ndi mulanguli wawe Vho-Karabo Tshabuse vha tshi vhudza MetroFM.

“Toronto yo ri itela vhuthu. Vho ri tendela u sedza zwiṅwe zwikhala zwine zwa bvelela.”

Na khonadzeo dzi hone kale nahone ndi nnzhi — ngoho ndi ya uri hu na tharu dzine vha tenda uri ndi dzavhuḓi vhukuma.

“Ri na offer i bvaho Egypt, nthihi i bvaho Europe – hu si kha ligi ya nṱha fhedzi i kha vhuimo havhuḓi – na iṅwe i bvaho Middle East.

“Ri nga mangadza muṅwe na muṅwe nga u ita vhukando vhu songo lavhelelwaho,” Tshabuse o ralo.

“Ri ḓo vha na vhulondo vhukuma.Ri khou amba thwii na vhagudisi, ri tshi khou lingedza u pfesesa tshifhinga tsha u tamba, fhethu hune vha khou mu ṱoḓa hone, na zwiṅwe zwoṱhe,” ho engedza Vho-Tshabuse.

Hu dovha ha vha na dzangalelo ḽi bvaho kha dzi kilabu dza Afrika Tshipembe, nahone zwo bvelela uri na vhone vho ḓiḓivhadza kha thimu ya Mailula.

Kaizer Chiefs na Orlando Pirates hu khou pfala uri ndi dzinwe dza dzi kilabu dza Afrika Tshipembe dze dza vhudzisa nga ha u vha hone ha Cassius Mailula.

Naho zwo ralo, u vhuyelela hayani a si zwithu zwa ndeme khae .

Cassius Mailula, we a vha e muṅwe wa vhatambi vhaṋa vha Afrika Tshipembe vhe vha kora tshikoro kha Tshiphuga tsha Ḽifhasi tsha FIFA Club, o takadza musi a tshi khou tamba kha Wydad.

Sa vhunga ndugiselo dza pre-season dzi tshi vho thoma u mona na shango, hu khou lavhelelwa u dzhiiwa tsheo hu si kale nga ha Mailula.

Naa Mailula a nga vhuyelela Afrika? Naa u ḓo thoma vhutshilo vhuswa ngei Yuropa? Kana u ḓo shumisa tshelede yawe middle east?

• vhalani hafhu: Shalulile u kha divha mutambi wa sundowns

Tshithu tshithihi Tshine tsha vha khagala hafha – ndi uri ndima i tevhelaho ya Mailula i ḓo thoma hu si kale.