Mavunḓu mavhili o bviswa kha ligi ya ABC Motsepe.
Nga nḓila i mangadzaho, Safa yo bvisa lwa tshiofisi thimu dzoṱhe dza Limpopo na Eastern Cape kha mitambo ya lushaka ya ABC Motsepe League.
Hezwi zwi khou itiswa nga khanedzano dzi sa athu tandululwaho kha mavundu mavhili, dzine dza khou tshuwisa u lenga u tamba dzi playoffs.
Mafhungo aya o poswa kha vhurifhi ha ḽa 1 Fulwana 2025, ho bviswaho nga Mulanguli Muhulwane wa Safa o shumaho Vho Tebogo Monthanthe.
Vhurifhi ho vha ho livhiswa kha dzingu ḽa dzangano na komiti khulwane ya lushaka.
Vhurifhi vhu khwaṱhisedza uri ndi thimu dza sumbe fhedzi — u bva kha mavundu a sumbe — dzine dza khou ṱaṱisana kha nndwa ya lushaka ya ṅwaha uno.
Vha bvisa Limpopo na Eastern Cape, vhane vhawini vhavho vha vunḓu vha kha ḓi vha vho vhofhiwa kha migwalabo na mbilaelo dzi sa athu tandululwaho.
Vhurifhi ho vhala uri: “Nga u ṱolisisa vhuimo ha khanedzano dzi re hone zwino.”
“Nahone u itela u tsireledza vhuḓifulufheli ha muṱaṱisano na madzina a Dzangano na vhatikedzi…
Vhurifhi ho engedza nga uri: “Komiti ya Miṱaṱisano yo ṱangana nahone ya dzhia phetho ya u bvisa thimu naho i ifhio i bvaho Limpopo na Eastern Cape .”
Heyi ndi nḓila ine muṱaṱisano wa ḓo bvela ngayo phanḓa zwino:
Tshigwada tsha A: Tshi na thimu tharu .
Tshigwada tsha B: Tshi na thimu mbili .
Tshigwada tsha C: Tshi na thimu mbili .
Muthu ane a ḓo vha wa vhuvhili wa khwiṋesa u ḓo khethiwa kha Group A u itela u linganisa luṱa lwa knockout.
Hezwi zwi amba uri Mitambo ya Lushaka ya Ḽigi ya ABC Motsepe ya 2025 i ḓo bvela phanḓa hu si na zwigwada zwivhili zwa bola ya milenzhe zwa Afrika Tshipembe.
- Vhalani hafhu: Mutambi wa Chiefs u flexa nga VW ya dzi milioni
Hezwi zwi bveledza mbudziso khulwane nga ha vhuvhusi na tshifhinga tsha u tandulula dzikhakhathi kha bola ya milenzhe ya ḽigi ya fhasi.
Translated by Nthaduleni Rolivhuwa
