Bloem Celtic yo vhuya – nga fomo tharu
Dzina ḽi ḓivheaho ḽa Bloemfontein Celtic ḽo vhuya kha Ḽigi ya Nṱha ya Betway – nahone ḽi ḓa na zwithu zwinzhi zwi si zwavhuḓi!
Uya nga ha muvhigo wa Marawa Scorpions ramabindu muswa wa Free State o renga vhuimo ha SuperSport United Premiership nga ndivho ya u vusuludza Celtic.
Ho bviselwa khagala uri o badela rannda dza miḽioni dza fuṱhanu (50 million) dza tshiimo nahone u ḓo pfulusela Bloemfontein hune tshigwada tsha ḓo dzhia dzina ḽiswa ḽa vhidzwa upfi Celtic United.
Ee, Celtic yo vhuya kha tier ya nṱha – fhedzi hu si nga heyi nḓila ye vhatikedzi vha vha vho i lavhelela kana khamusi vha tshi i tama.
Thaidzo ndi ya uri ramabindu we a renga SuperSport ha na thendelo ya u shumisa dzina ḽo fhelelaho ḽa Bloemfontein Celtic.
Dzina ḽa Bloemfontein Celtic ndi muṋe wa Vho-Eddie Modise, vhe vha ḽi renga kha Vho-Max Tshabalala mathomoni a ṅwaha uno.
Modise zwenezwino o dzumbulula uri u khou pulana u vusuludza kilabu ya ḓivhazwakale,
Fhedzi thimu yawe i ḓo thoma kha Muṱaṱisano wa Motsepe Foundation, hu si kha Muṱaṱisano wa Premiership.
O amba uri u khou ṱoḓa uri i gonye kha zwigwada zwa nṱha zwavhuḓi ngauri u dovha a ṱoḓa u guda zwavhuḓi nga ha vhulanguli ha bola ya milenzhe.
Fhedzi zwino, hu na thimu tharu dzine dza khou ṱaṱisana na mbilu dza vhatikedzi vha fulufhedzeaho vha Celtic vhane vha ḓivhiwa sa Siwelele.
Huna Marumo Gallants vhane vha di vhidza Siwelele saMarumo. Kiḽaba yo pfulutshela Bloemfontein kha khalanwaha yo fhiraho.
Zwino hu na Celtic United ntswa – thimu ntswa ya Premiership yo vhumbiwaho nga murahu ha u renga vhuimo ha SuperSport.
Hu kha ḓi vha na Modise’s Bloemfontein Celtic ine nga murahu ha tshifhinga i ḓo ḓivhadza lwa tshiofisi uri i ḓo tamba kha tshigwada tshifhio.
Heyi i ḓo vha nndwa i takadzaho ya u wina mbilu dza vhafuni vha bola ya milenzhe ya Free State vhane vha ḓivhelwa lufuno lwavho luhulwane.
Gallants ndi inwe ya team dze dza vha na vhathu vhanzhi kha mitambo yadzo kha khalanwaha yo fhelaho, vhatikedzi vho ambara mivhala ya Celtic.
- VHALANI HAFHU: Bongani Sam o tutshela Chiefs nga ndila i si yavhudi
Zwino ngauri ri do pitted na dzinwe team mbili ri do dzhia iṱo uri vhanzhi vha khou wela kha side ifhio.
Translated by Nthaduleni Rolivhuwa
