Mutanzania a todiwaho nga Chiefs u toda ‘khaedu ntswa’
Mutambi wa Tanzania ane a khou fhisa ane a vha na vhushaka na Kaizer Chiefs o sumbedza lutamo lwawe lwa u shandukisa kilabu phanḓa ha khalanwaha ya 2025/26 i tshi thoma.
Clement Mzize, Mutshini wa zwikoro wa minwaha ya 21, zwazwino u fhasi ha thendelano na Young Africans SC.
Fhedzi o sumbedza uri o ḓiimisela u ṱuwa Tanzania u itela u lingedza mashudu awe nnḓa ha shango na tshigwada.
Vho amba hezwi nga murahu ha maduvha a si gathi vho thusa team yavho uri i kunde Simba SC nga 2-0.
Mvelelo yo thusa Yanga uri i dovhe i wine tshiphuga tsha Premier League ya Tanzania.
Mzize o vha na khalanwaha i mangadzaho ye a dzhia zwikoro zwa 14 na u thusedza kha ṱhanu.
Zwino mbudziso ndi ya uri u ḓo ya ngafhi nga murahu.
Musi vha tshi amba na gurannḓa ya Tanzania ine ya pfi The Guardian, Vho-Mzize a vho ngo timatima, fhedzi vho bvisela khagala ndivho dzavho.
“Ndo vha na khalanwaha yavhuḓi – ndo wina ligi na u kora kha khaphu. Ndi vhuḓipfi havhuḓi vhukuma,” o ralo.
O mbo ḓi posa bomo a ri: “Ndi ngoho uri hu na zwine nda nga ṋewa zwone. Ee, ndi dovha nda ṱoḓa u ṱola zwibuli zwiswa zwa u alusa mushumo wanga.”
Naho vha songo bula dzina ḽa kilabu, Mzize o vha a tshi ṱanganedzwa na Kaizer Chiefs, ine ya khou fhaṱwa hafhu nga fhasi ha Nasreddine Nabi.
Fhedzi ho dovha ha vhigwa dzangalelo ḽi bvaho kha tshigwada tsha zwino tsha Caf Champions League Pyramids FC.
Mutambi wa phanḓa naho zwo ralo o sumbedza u vhibva, a hana u bula madzina a zwigwada zwine a vha na dzangalelo khazwo, a amba uri hu ḓo tevhelwa maitele o teaho
“Ndi kha di vha na thendelano na Yanga.Vhulanguli hanga vhu do langa zwothe, ri do vhona uri hu do itea mini nga murahu,” he added.
Mzize’s pace, eye for goal na fulufhelo kha mitambo mihulwane zwi ita uri a vhe mutambi ane a nga thusa kha team inwe na inwe ine a fhedza e khayo.
Uri u do vha favorite i tevhelaho kha vhafuni vha Kaizer Chiefs kana hai, zwi do bvelela nga murahu ha tshifhinga.
Fhedzi zwine zwa ṱhogomelwa ndi uri hoṱhe hune a ya hone, Mzize’s next move i nga dzinginyisa bola ya milenzhe ya Afrika.
Translated by Nthaduleni Rolivhuwa
