Mutambi wa Pirates o bvukulula zwe a ‘Hevhedza’ Sipho Mbule

Mutambi wa kale wa Orlando Pirates Vho-Tebogo Moloi vho bvisela khagala zwe vha vhudza mutambi muswa we a sainwa Sipho “MasterChef” Mbule.

U swika ha Sipho Mbule kha Orlando Pirates zwo vusa dakalo ḽihulwane kha vhatikedzi – fhedzi na mbilaelo.

Vhaṅwe vhatikedzi vha khou vhilaedziswa nga vhutshilo hawe nnḓa ha mudavhi.

Moloi o bvisela khagala nyambedzano ya maanḓa na ya tshiphirini ye a vha nayo na mutambi wa vhukati.

“Sipho u tea u zwidivha uri haho kha Pirates ngauri vha a mupfela vhutungu.U fhano nga nthani ha vhukoni hune a vha naho.”

Musi vha tshi amba na KickOff, Vho-Moloi vhari vho humbudza Vho-Mbule uri Vho-Irvin Khoza a si mudzulatshidulo o ḓoweleaho.

“Mudzulatshidulo ndi khotsi. O thusa vhunzhi hashu — na vhane vha ḓivhelwa u tambudza vhathu vha ngaho Tso (Botsotso Makhanya) na Metroblitz (Mandla Sithole) tshifhingani tsho fhiraho.”

Moloi o mbo ḓi amba zwi tshuwisaho nga ha ene muṋe, a ri na ene o wela kha nyimele mmbi nga ṅwambo wa vhuḓifari hawe vhu si havhuḓi.

“Nga phanḓa ha mutambo wa vhukonani na Arsenal, ndo swika gammbani nga vho 2am. Nahone ndo vha ndi si kha nyimele yavhuḓi.

“Fhedzi mudzulatshidulo o ima na nṋe. Ndo vhuyelela kha bola ya milenzhe zwavhuḓi nahone nda thusa Pirates u wina ligi nga 1994.”

U amba uri Sipho Mbule zwino u na tshikhala tshi fanaho na tshenetsho kha Orlando Pirates tshine a fanela u tshi shumisa u ita ḓivhazwakale kha tshigwada.

“Ndo muvhudza zwithu zwi leluwaho, uri vhathu vha khou amba ngauri vho vhona zwine a nga zwi ita.

“Zwino u tea u tendela vhukoni hawe vhu tshi ḓiamba. Mudzulatshidulo u a tenda khae.”

Moloi uri ha ngo muhuwelela nga ha vhuḓifari. Fhedzi o lingedza u ṱuṱuwedza Mbule.

“A tho ngo ri ‘tambani kule na halwa’. Ndo sokou mu vhudza uri: ‘U hayani zwino. Sumbedzani ndeme yaṋu. Itani vhaṋe vha thimu’,” ndi tshiṱuhu tshi tshi bvela phanḓa.

Mbule, we a vha ene wa u thoma u amba, o bva kha nyambedzano a tshi khou mwemwela nahone o takala, u ya nga Vho-Moloi.

“Ndo vhona Sipho o fhambanaho nga murahu ha zwenezwo. Zwino zwi kha ene uri u zwi ita hani,” Moloi o isa phanda.

• Vhalani hafhu: Mutanzania a todiwaho nga Chiefs u toda ‘khaedu ntswa’

Zwine zwa vha khagala zwino ndi uri tshifhinga tsha Zana tsho fhela. Khamusi a nga si wane tshiṅwe tshikhala arali a tamba nga heyi nḓila.

Translated by Nthaduleni Rolivhuwa