Kaizer Chiefs yo bvisela khagala nga ha u sainiwa ha vhatambi
Mulanguli wa zwa u maketa wa Kaizer Chiefs Vho-Jessica Motaung vho bvisela khagala uri pulane dza u khwathisa tshigwada nga vhatambi vhaswa dzi kha vhuimo ha ntha.
O khwaṱhisedza uri hu khou lugiselelwa dziṅwe fomala na vhaṅwe vhatambi vhaswa vhe vha sainiwa.
Vho amba uri vhanwe vha nga tshimbila na thimu musi i tshi khou livha kha kamp yayo ya pre-season ngei Netherlands.
Musi thimu ine ya nga Orlando Pirates vho no ḓi ḓivhadza vhatambi vhaswa,
Kaizer Chiefs yo no khwaṱhisedza fhedzi u ṱuwa havho.
U fhumula uhu ho vhanga mbilaelo kha vhafuni.
Fhedzi Jessica zwino o bvisela khagala, a ri vha songo vhilaela, mushumo u khou bvela phanḓa.
Musi vha tshi khou amba kha u rwelwa ṱari ha tshiphuga tsha Toyota tsha 2025.
Vho-Jessica Motaung vho fulufhedzisa vhatikedzi uri Kaizer Chiefs i khou shuma nga maanḓa u swikelela zwipikwa zwayo.
“Thimu zwazwino i khou farakanea nga zwenezwo, ri kha di vha na inwe vhege ine ya kha di vha hone”
“Ndi a zwidivha nga ha vhatambi vhane vha khou sainiwa zwa zwino.
Musi zwothe zwo no dzudzanyea, musi vho no lugela u ya Netherlands, vha do ṋekedzwa.”
Chiefs i khou livha gammbani yayo ya u gudisa phanḓa ha khalanwaha ngei Apeldoorn,
Netherlands, phanḓa ha musi i tshi ṱuwa Afrika Tshipembe nga ḽa 4 Ṱhangule.
Ri ḓo dzula henefho u swika nga ḽa 19 Fulwana, nahone ri ḓo tamba mitambo miṱanu ya vhukonani na dzikiḽaba dzine dza khou tamba kha zwigwada zwa nṱha zwa shango.
Fhedzi-ha, Vho-Jessica Motaung vho ṱhogomela uri mafhungo a ngaho u ṅwalwa ha mabammbiri na u lenga u wana visa,
Zwi nga vha zwo ita uri vhaṅwe vha vhaswa vhane vha kha ḓi tou bva u swika vha sale murahu.
“Ri khou lingedza nga nungo dzoṱhe u saina vhatambi nga u ṱavhanya u itela uri vha kone u ya Netherlands na thimu.
U itela uri vha kone u ḓivha vhatambi ngavho vhaswa khwine,” vho ralo.
Vhatikedzi vha Kaizer Chiefs vha nga lavhelela nḓivhadzo nga ha vhatambi vhaswa maḓuvhani a tevhelaho.
