AmaZulu yo Thoma U Fhaṱa Tshigwada Nga murahu ha U Bvisa Huhulwane
AmaZulu yo Thoma U Fhaṱa Tshigwada Nga murahu ha U Bvisa Huhulwane
AmaZulu FC yo thoma u fhata tshigwada tshayo nga murahu ha musi yo vhofhololwa vhatambi vha 16 vhe vha vha vhe siho kha thimu kha khalaṅwaha ya 2024/25.
Tshigwada tshine tsha vha Durban tsho tshuwisa vhanzhi musi tshi tshi ḓivhadza u pfuluwa ha vhathu vhanzhi.
Tsha fhandekana na vhathu vha ndeme vhane vha katela Augustine Mulenga, Junior Dion, Boniface Haba, Ethan Brooks, na Veli Mothwa.
Kiḽaba yo dovha ya laela vhatsireledzi vha re na tshenzhemo vha ngaho Abbubaker Mobara, Sandile Khumalo, Mbongeni Gumede, Kwanda Mngonyama, Ramahlwe Mphahlele, na Thembela Sikhakhane.
Vhatambi vha vhukati Wayde Jooste, Skhulile Manyoni, Rowan Human, na muswa Msindisi Kunene na vhone vho sumbedzwa muṋango.
Vhatambi vho hadzimiwaho Vho-Etiosa Ighodaro na Sifiso Ngobeni vho vhuyelela kha thimu ya Mamelodi Sundowns nga murahu ha musi thendelano dzavho dza u hadzimiwa dzo fhela, zwa sia Usuthu i na zwikhala zwihulwane.
Naho zwo ralo, tshigwada tsho ṱavhanya u vala zwenezwo zwikhala.
Uya nga ha KickOff, vha AmaZulu vho saina mutambi wa minwaha ya fumbili nthihi Keagile Malepe ubva Pretoria Callies.
Malepe o takadza kha khalanwaha yawe ya u thoma kha tshigwada tsha Motsepe Foundation Championship, zwa ita uri a pfulutshele kha tshigwada tsha nṱha.
Mudzulatshidulo wa Callies Vho-Moses Malada vho khwathisedza u fhiriselwa havho.
vhari vho tendelana thendelano na Usuthu.
“Malepe o ri ṱanganedza kha khalanwaha yo fhiraho a tshi bva kha kilabu ya vhatambi vhaṱuku, fhedzi zwino ro no ita thendelano na AmaZulu.
“Vhaṅwe vhatukana vhararu — Saketso Moremi, Keorapetse Sebone, na Mpho Mavundlela — vho ya Ḓoroboni ya Polokwane.”
AmaZulu i do toda vhanwe vhatambi vhanzhi u itela u fhedza u vusuludza tshigwada tshayo phanda ha khalanwaha ya 2025/26 ya Betway Premiership.
- VHALANI HAFHU : Pirates yo bvisela khagala vhatambi vhaswa
Fhedzi u engedzwa ha Malepe ndi tshiga tshi re khagala tsha uri luṱa lwa u fhaṱa hafhu lu khou tshimbila zwavhuḓi ngei Usuthu.
Translated by Nthaduleni Rolivhuwa
