TS Galaxy yo fhedzisa u saina Hopewell Cele
TS Galaxy yo fhedza lwa tshiofisi u saina mutambi wa kale wa Royal AM Hopewell Cele.
Vha Rockets vho tsireledza Cele kha vhuimo ha u ḓikhethela.
Nga murahu ha musi thendelano yawe na Royal AM yo no fhela nga murahu ha musi tshigwada tsho imiswa kha PSL.
Hezwi zwo ita uri Cele a kone u dzhena kha thimu naho i ifhio ine a i funa.
Hopewell Cele, wa miṅwaha ya 24, o tamba mitambo ya 26 kha miṱaṱisano yoṱhe.
O dzhia zwikoro zwoṱhe kha mutambo u takadzaho wa Royal AM na Kaizer Chiefs nga 2-2.
TS Galaxy yo dovha ya saina Ntandoyenkosi Nkosi, mukapuṱeni wa Kaizer Chiefs, nga u rengisa mahala.
Nkosi o thusa thimu yawe u takusa tshiphuga tsha ligi ya DStv Diski Challenge kha khalanwaha yo fhiraho.
Thimu yo vhetshelwa u vhuyelela gammbani ya u lugisela nga Musumbuluwo, ḽa 01 Lambamai.
Hu khou lavhelelwa u sainiwa vhatambi vhanzhi nga tshifhinga tsha u rengisa vhatambi vhane vha khou ḓa, na vhaṅwe vhatambi na vhone vha ḓo bviswa.
Mushumo wa u thola vhatambi vha TS Galaxy u sumbedza ndivho yavho ya u khwathisa tshigwada phanda ha khalanwaha ntswa ya PSL.
U ṱanganya vhukoni ha vhaswa na tshenzhemo u itela u ṱaṱisana kha vhuimo ha nṱhesa.
Translated by Nthaduleni Rolivhuwa
