‘Ouaddou u na tshikhala tsha u sika ḓivhazwakale yawe’ -Vilakazi
Nga Musumbuluwo, Orlando Pirates yo ḓivhadza Abdeslam Ouaddou sa mugudisi wayo muswa.
Nga murahu ha ḓuvha ḽithihi, Sipho Mbule o mbo ḓi dzhena kha Buccaneers.
Mutambi wa kale wa Orlando Pirates Vho-Benedict ‘Tso’ Vilakazi vha tenda uri mugudisi muswa wa Bucs Vho-Abdeslam Ouaddou vha nga isa tshigwada kha vhuimo vhu tevhelaho.
Vilakazi, ane a vha mutambi wa Pirates wa u kora zwikoro zwa tshifhinga tshoṱhe, o tikedza Ouaddou uri a bvelele.
“Vhonani, o ita zwavhuḓi vhukuma kha Marumo Gallants,
Vhone [vhatikedzi vha Pirates] vha fanela u sokou mu ṋea thikhedzo na fulufhelo ḽa u amba uri ri a tenda kha inwi,
Nahone ro vhona mushumo we na u ita kha Gallants ri fulufhela uri ni ḓo u ita fhano kha Pirates,” o vhudza Sowetan Live.
“Ndi mugudisi wavhuḓi ri tshi sedza zwe a ita na Galants.
Ri dzulela u ḓivha uri Galants i khou lwela u fhungudzea, fhedzi o vha vhea kha vhuimo vhune vha sa vhilaele nga hazwo.
Edzani u humbula nga ha zwishumiswa na zwishumiswa kha Pirates, ndi humbula uri a nga dzhia iṅwe ḽeveḽe.”
Ouaddou o dzhena kha Pirates ubva kha Marumo Gallants
Vilakazi o tenda uri mugudisi muswa u do toda tshifhinga fhedzi o pfa e na fulufhelo la uri u do bvelela ro sedza uri u do sedzulusa thimu yawe nga tshifhinga tsha pre-season.
“U na tshikhala tsha u sika ḓivhazwakale yawe ngauri u ḓo wana vhatambi vhavhuḓi kha Pirates,”
“Ndi vhona unga u khou ya u ita zwavhuḓi, ri khou tea u mu ṋea tshifhinga fhedzi nahone ndi vhona unga ndi zwavhuḓi uri u ḓovha na pre-season na thimu u fhambana na kha Gallants.
Naho zwo ralo u kha ḓi vha vhea kha vhuimo havhuḓi.
Edzani u humbula nga vhatambi vhavhuḓi vhane Pirates ya vha navho …
Ndi vhona unga zwithu zwi ḓo vha khwine vhukuma.”
