
Kaizer Chiefs yo divhadza u bva ha mutambi wa vhutanu
Mduduzi Mdantsane vho ṱutshela Kaizer Chiefs lwa tshiofisi nga murahu ha miṅwaha mivhili i sa bveleliho nga u ralo na thimu ya Naturena.
U ṱuwa hawe ho ḓivhadzwa lwa tshiofisi nga vha Amakhosi kha nyanḓadzamafhungo yavho ya matshilisano nga matsheloni a Musumbuluwo.
“Kaizer Chiefs na mutambi wa vhukati, Mduduzi Mdantsane vho tendelana uri vha fhandekane,” ho vhaliwa nga u ralo kha tshitatamennde.
“Mutambi wa minwaha ya 30 o dzhena kha Amakhosi a tshi bva Cape Town City mathomoni a khalanwaha ya 2023/24.
“Kha khalanwaha yo fhiraho, u itela u kuvhanganya tshifhinga tsha u tamba nga murahu ha musi o no fhola kha vhulwadze, o fhedza tshipiḓa tsha u fhedzisela tsha fulo o hadzimiwa kha Richards Bay FC.
“Nga tshifhinga tshawe na Chiefs, Mdantsane o tamba mitambo ya 16 kha mitatisano yoṱhe. Ri tamela mashudu Mdu.”
U ṱuwa havho hu khou tevhela ha Vho-Ranga Chivaviro.
Vho-Sabelo Radebe na Vho-Edmilson Dove. Njabulo Blom o vhofhololwa uri a vhuyelele kha kilabu yawe ya US, St Louis City.
Vhatambi vhanzhi vha khou lavhelelwa u bviswa nga tshigwada tsha Soweto musi tshi tshi khou vula tshikhala tsha vhatambi vhaswa nga ndaela ya mugudisi Nasreddine Nabi.
- VHALANI HAFHU : Cardoso o sumbedza u ḓihudza nga thimu yawe
Chiefs i khou ṱangana na vhatambi vhanzhi musi i tshi khou isa phanḓa na u vusuludza tshigwada tshayo kha u lugisela khalanwaha ntswa.