Mafhungo a tumanaho na Mofokeng kha ḽa Israele 

Orlando Pirates ṱavhanya ya ḓi bvisa kha mavharivhari e a phaḓalala nga ha mutambi wayo Relebohile Mofokeng.

Mivhigo ya zwenezwino yo sumbedza uri Rele Mofokeng u khou ṱoḓiwa nga thimu mbili dza Israele, Maccabi Haifa na Maccabi Tel Aviv.

Tshiimiswa tsha mafhungo tsha mitambo tsha Israele tshine tsha pfi Sport5 tsho vhiga uri tshigwada tsha Maccabi Haifa tsho sumbedza dzangalelo kha mutambi wa Bafana Bafana wa minwaha ya fumbili.

Muvhigo wo isa phanda na u amba uri Pirates yo vhea mutengo wa R31.2 million une wa tea u badelwa nga team inwe na inwe ine ya toda mutambi wayo.

Maccabi Tel Aviv na yone hu pfi i na dzangalelo kha hoyu mutambi ane avha na vhukoni vhu sa tendisei nahone ane a dzhielwa nṱha nga vhathu vhanzhi nga nṱhani ha bola yawe ya milenzhe.

Fhedzi Soccer Laduma i vhiga uri vhathu vha nga ngomu ha Pirates vho landula mivhigo iyi vha ri i si na mutheo nahone i a thithisa.

“Mivhigo iyi yo thoma u vhanga mbilaelo. Thimu a i divhi nga ha mivhigo iyi,” ndi tshisima tsho topolwaho.

“A thi ḓivhi nga ha nyambedzano dziṅwe na dziṅwe malugana na u rengiswa hawe.”

• VHA RI WANA KHA FACEBOOK| facebook.com/profile.

Vha Soweto giants vha khou pfi vha khou dinalea nga u bvela phanḓa na u ṱavha mukosi wa vhatambi vhavho.

Vha tenda uri zwo itelwa u thithisa munwe wa vhatambi vhavho vhane vha khou fulufhedzisa.

Vhaofisiri vha Pirates vha khou vhigwa vha tshi khou khwathisa uri ahuna vhudavhidzani kana nyambedzano dza tshiofisi malugana na vhumatshelo ha Rele Mofokeng.

Vhathu vha nga ngomu ha kilabu vho dovha vha ombedzela uri nḓivhadzo dziṅwe na dziṅwe nga ha vhatambi dzi ḓo itwa nga nḓila dzo teaho.

“Nḓivhadzo dza vhatambi dzi ḓo itwa nga thimu hu tshi shumiswa dzitshanele dzo teaho,” tshisima tsho engedza.

Rele Mofokeng we a vha a tshi khou tamba na Barcelona tshifhingani tsho fhiraho, u na thendelano na Pirates.

• Vhalani hafhu :Kaizer Chiefs i ḓo tangana na tshigwada tsha Yuropa

Nahone tshigwada tshi vhonala tsho ḓiimisela u shumana na mafhungo naho e afhio a u rengiswa hawe tsho fhumula nahone nga vhuṱali.