Kaizer Chiefs i ḓo tangana na tshigwada tsha Yuropa
Kaizer Chiefs i do tamba mutambo muhulwane wa vhukonani kha lwendo lwayo lwa u ya Netherlands hune ya do lugisela khalanwaha i daho.
Vha Kings vha ḓo ṱangana na tshigwada tsha Eredivisie tsha Netherlands FC Utrecht kha mutambo wa vhukonani kha lwendo lwavho lwa phanḓa ha khalanwaha lwa u ya Netherlands.
Kiḽaba ya Soweto yo vha yo no khwaṱhisedza kale uri gammba yayo ya u gudisa phanḓa ha khalanwaha i ḓo vha hone u bva nga ḽa 3 u swika nga ḽa 19 fulwi.
Fhedzi a yo ngo dzumbulula mutambo naho u ufhio kana zwiṅwe zwidodombedzwa zwi tshimbidzanaho na lwendo ulwu.
Utrecht, naho zwo ralo, yo bvisela khagala mutambo uyu lwa tshiofisi kha website yayo nga Ḽavhuṋa.
“Ri ḓo sedzana na mukhaedu washu a tevhelaho nga ḽa 11 fulwaa,” Utrecht yo ṅwala kha webusaithi yayo.
“Thimu i ḓivheaho vhukuma Afrika Tshipembe i ḓo vha mukhaedu washu: Kaizer Chiefs.”
Mutambo uyu naho zwo ralo, u ya nga thimu ya Netherlands, u ḓo tamba nga murahu ha miṋango yo valwaho sa izwi hu ndugiselo dza khalanwaha ntswa.
Kaizer Chiefs i khou lavhelelwa u vhuyelela kha vhugudisi ha phanḓa ha khalanwaha nga Ḽavhuṱanu, iDiski Times i vhiga.
Fhedzi vhanwe vhatambi vha si gathi vha khou lavhelelwa u vhuya kha thimu u bva nga Musumbuluwo.
U tamba na Utrecht ndi tshipida tsha ndugiselo dza Amakhosi kha khalanwaha ya 2025/26 ya Betway Premiership.
Vha Kings vha khou sedza kha u isa phanda na u fhata hafhu nga fhasi ha vhurangaphanda vhuswa na u linga tshigwada tshavho nga tshifhinga tsha u tamba European.
I khou lavhelelwa u divhadza vhatambi vhayo vhaswa na tshigwada tsho fhelelaho tsha season i daho i sa athu u ṱuwa.
