Brian Baloyi o bvisela khagala ‘tshipida’ tshine tsha khou xela kha Chiefs

Mutsireledzi wa kale wa Kaizer Chiefs, Vho-Brian Baloyi, vho bvisela khagala zwine vha tenda uri ndi tshipida tshine tsha khou xela tshe tsha ita uri thimu i tambule.

Vho-Brian Baloyi vha tenda uri tshiitisi tsha u sa dzudzanyea kha Kaizer Chiefs ndi u shaya mugudisi wapo kha tshigwada tsha vhagudisi.

Chiefs yo fhedza i kha vhuimo ha vhuṱahe kha Betway Premiership kha khalanwaha ya 2024/25.

Ya kundelwa u dzhena kha MTN8 lwa vhuvhili nga u tevhekana.

Vho dovha vha bva kha khapi ya Carling Knockout hu tshe na tshifhinga, vha kundwa kha round ya u thoma nga Mamelodi Sundowns.

Thimu, naho zwo ralo, yo fhelisa gomelelo ḽa miṅwaha ya 10 nga u wina Nedbank Cup.

Ya kunda Orlando Pirates kha mutambo wa u fhedzisela.

Fhedzi Brian Baloyi, munwe wa vhalindi vha khwine vha tshigwada tsha minwaha ya zwenezwino, uri hu tea u itwa zwinzhi.

U tenda uri u engedza muthusa mugudisi wa Afrika Tshipembe zwi nga tandulula vhunzhi ha thaidzo dza Chiefs nga fhasi ha Nasreddine Nabi.

Vho vhambedza u vhumbiwa ha tshigwada tsha vhagudisi vha Chiefs na tsha Orlando Pirates.

He Vho-Mandla Ncikazi vha shuma na Vho-Jose Riveiro vha tshi bvelela vhukuma.

“Vhathu a vha ṱhonifhi zwine Mandla a itela Pirates,” Vho-Baloyi vho vhudza FARPost.

Baloyi uri vhatambi vhanzhi vha hayani vha a tambula nga u davhidzana na vhagudisi vha nnḓa.

Tshithivheli tsha luambo tshi na masiandoitwa mahulwane kha kushumele kwa thimu, vha ralo.

“Vhanwe vhatambi vha bva vhuponi ha mahayani nahone a vha koni u amba Luisimane zwavhuḓi,” ho amba muhali wa kale.

O ombedzela uri mugudisi wa henefho a nga si kone u vala tshenetsho tshikhala.

Nahone u fanela u ṱalutshedza zwavhuḓi maitele a mugudisi nga luambo lwa henefho.

Vho-Brian Baloyi vho engedza nga uri vhanwe vhatambi vho swika Kaizer Chiefs vha tshuwiswa nga u shuma na vhagudisi vha Europe vhane vha sa pfesese mvelele ya henefho.

• VHALANI HAFHU | Vha PSL vha kha mbambe ya mutambi wa Botswana

O amba uri hezwi zwi nga vha na masiandoitwa kha kushumele kwa mutambi uyo.

“Arali vha tshi nga vhulunga Nabi, vha fanela u mu wanela mufarisa wapo uri vha shume nae.”

Translated by Nthaduleni Rolivhuwa