Muholo wa saleng kha tshigwada tsha Orlando Pirates
A zwi mangadzi Saleng a tshi ṱoḓa u ṱutshela Orlando Pirates, sedzani muholo wawe!
Miholo i vhonala i sa lingani kha ḽa SA.
Monnapule Saleng o penndiwa sa muthu muvhi nga vhatikedzi vhanzhi vha Orlando Pirates.
Naho zwo ralo, hu na zwinzhi zwine zwa khou itea u fhira zwine zwa ṱangana na iṱo.
Mutambi wa Mercurial Saleng ha athu tamba kha kilabu u bva nga Nyendavhusiku 2024.
Mutambi wa minwaha ya 27 hu khou pfala uri u do vhidzelela uri hu vhe na u pfulutshela kha fasitere la vhuria.
Uya nga ha Goal, muholo wa Monnapule Saleng a u vhukati ha vhane vha vha nṱhesa vhukuma kha PSL.
Ndi kha dzingu ḽa R70,000, kana R280,000 nga ṅwedzi.
Fhedzi zwi amba uri haho kha phesenthe ya nṱha ya vhane vha hola Afrika Tshipembe.
“Arali vho vha vha si muthu ya ndeme, Bafana vho vha vha sa ḓo kona u mu vhidza,”khonani ya Saleng Vho-Boikanyo Maine vho vhudza Sunday World.
“Ri khou humbela uri Pirates i sedze zwine a khou toda.
A zwo ngo tea, humbulani u wana R70,000 fhedzi muṋeelo waṋu kha vhunzhi ha mitambo u amba zwinzhi ngeno muṅwe muthu a tshi khou wana R500,000.”
Saleng, MVP nga 2022-2023
Saleng o bveledza mvelelo i mangadzaho ya zwikoro zwa 15 na u thusa vha 11 kha mitambo ya 30 kha miṱaṱisano yoṱhe nga 2022-2023 u itela u vha Mutambi wa Ṅwaha wa PSL.
2023-2024 a yo ngo swika kha vhuimo honoho, fhedzi kilasi, sa zwine vha amba, ndi ya tshoṱhe.
O vha e mutambi wa khwiṋe nga hu leluwaho Afrika Tshipembe, nga khilomithara.
- VHALANI HAFHU :Mamelodi Sundowns: DZIMILIYONI! Dza FIFA Club World Cup
Nga Fulwi 2022, o wana tshikoro tsha u kunda mutambo musi a tshi kunda Sundowns nga 3-0 kha semi-final ya MTN8.
Translated by Nthaduleni Rolivhuwa
