Tau kha Riveiro: ‘Zwe a ita kha Pirates zwi amba uri ndi wavhuḓi…’
Mutambi wa kale wa Al Ahly, Vho-Percy Tau, vho ṋea nḓivho yo khwaṱhaho nga ha tshigwada musi mugudisi wa kale wa Orlando Pirates Vho-Jose Riveiro vha tshi tutshela tshigwada.
Mugudisi wa Al Ahly wa Tshiphuga tsha Ḽifhasi tsha Kiḽaba dza FIFA, Vho-Jose Riveiro, vho bvisela khagala uri ndi ngani vho ṱutshela tshigwada tshihulwane tsha Betway Premiership Orlando Pirates nga ṅwedzi wa Ṱhafamuhwe.
Maḓuvha a si gathi musi Riveiro a sa athu isa Al Ahly kha Tshiphuga tsha Ḽifhasi tsha Kiḽaba dza FIFA u vula thonamennde na Inter Miami ya Lionel Messi,
Mutambi wa Spain o amba na vhoramafhungo nga ha u bva hawe kha Buccaneers.
U ya nga mueletshedzi wa kale wa Orlando Pirates we a takusa zwiphuga zwiraru zwa MTN8 na zwiphuga zwivhili zwa Nedbank Cup, ho vha hu tshifhinga tsha u ṱoḓa zwithu zwiswa.
PERCY TAU KHA AL AHLY
“Zwi do toda zwinzhi khae, hune a khou ya hone zwo fhambana vhukuma na Afrika Tshipembe.
“ Ndi kilabu ine ya vha na vhatikedzi vhanzhi na lufuno, vha funa kilabu nga maanda vhukuma nahone u tea u wina mutatisano munwe na munwe une a shela mulenzhe khawo,” Tau o ralo kha 947’s MSW.
“Fhedzi vho dovha vha mu ṋea zwishumiswa, vho mu saina vhatambi vhanzhi vhavhuḓi, ngauralo zwi nga thusa fhedzi u fanela u ita khwine u fhira mugudisi o fhiraho,.
(Marcel) Koller, o wina zwiphuga zwa 11 na nṋe. Ene (Riveiro) u fanela u ita khwine u fhira zwenezwo.
“Zwe a ita na Orlando Pirates zwi amba uri ndi coach wavhudi, u a divha zwine a khou ita.
Ndi vhona unga a nga ita zwavhudi fhedzi zwi do toda zwinzhi. Kha Al Ahly a si mitambo fhedzi ine a tea u sedzana nayo…” Tau o phetha.
Translated by Nthaduleni Rolivhuwa
