Pitso u fanela u shuma na Ncikazi’ – vhahali vha Orlando Pirates
Mutambi wa kale wa Orlando Pirates Vho-Thabo Mngomeni vha dzhia uri Pitso Mosimane ndi ene mugudisi muhulwane o fhelelaho ane a nga dzhiela vhudzulo Vho-Jose Riveiro.
Mutambi wa kale wa thimu ya Orlando pirates Thabo Mngomeni o tikedza Pitso Mosimane uri a dzhene kha thimu ya Buccaneers sa mudededzi muhulwane.
Buccaneers zwenezwino yo fhandekana na Jose Riveiro nga murahu ha miṅwaha miraru.
Mutambi wa Spain o nanga u sa vusuludza thendelano yawe nahone nṱhani hazwo a dzhena kha tshigwada tsha Egypt tsha Al Ahly.
Vho-Mngomeni vhe vha tamba kha Orlando Pirates vhukati ha nwaha wa 1998 na 2002 vhari Vho-Pitso Mosimane ndi vhone mugudisi o teaho u dzhia vhudzulo ha Vho-Riveiro.
“Ndo vha ndo takala musi vha tshi khou ri Pitso u khou ḓa,”
ho amba mutambi wa kale wa vhukati wa Bafana Bafana u ya nga iDiski Times, 2019.
“Ndo vha ndo takala vhukuma. Ndi humbula uri a nga ita zwiṅwe zwithu kana a isa phanḓa na zwe Riveiro a zwi thoma.
Ngoho, Pitso u na vhukoni ha u ita zwenezwo, ngoho, ngoho,” o engedza.
Muḓivhalea wa Orlando Pirates u khou ṱoḓa Pitso a tshi shuma na Mandla Ncikazi .
Sa vhunga Ncikazi o no vha kha Pirates lwa hafu ya minwaha ya fumi.
Mngomeni u pfa uri vhatambi vha kale vha Golden Arrows vha nga thusa Mosimane.
“Hone Mandla [Ncikazi]? O vha e henefho na Riveiro. Mandla o ṱalula uri Riveiro o vha a tshi khou ita hani zwithu zwawe.”
“A thi khou amba uri arali vha mu dzhenisa, u fanela u zwi ita nga u ralo, fhedzi u a kona u vhona hune vha khwinisa hone.
U a kona u vhona hune vha tea u khwinisa hone.
U fanela u dovha a vha hone, tshipiḓa tsha thimu,” o phetha nga u ralo.
Pitso Mosimane o vhofhololwa ubva tshe a ṱuwa Iran mathomoni a ṅwaha nahone ndi muṅwe wa vhane vha funeswa kha mushumo wa u gudisa Orlando Pirates.
