Ndi ngani Kaizer Chiefs i sa ḓo saina Tau

Kaizer Chiefs yo bvisela khagala tshiitisi tsha u sa saina Tau

Huna muthu fhano Afrika Tshipembe ane a nga kona u renga Tau?

Percy Tau ha nga ḓo dzhena kha tshigwada tsha Kaizer Chiefs kana tsha Orlando Pirates.

Sundowns ina lutamo lwau saina naledzi yayo ya kale?

Tau ndi mutambi o vhofhololwaho nga murahu ha musi o bva kha Qatar SC.

Mutambi wa ṋaledzi wa Bafana wa miṅwaha ya 31 u na ṱhoḓea dza miholo dzine dza vhonala dzi tshi thivhela.

Kaizer Chiefs a i nga ḓo saina mutambi wa o vhofholowaho Percy Tau, naho hu na mavharivhari a uri mutambi wa miṅwaha ya 31 a nga vha a tshi khou ya Naturena.

“Thimu i pfa uri, zwi vhonala uri, vha tenda uri vho guda ngudo kha u saina ha Khama Billiat na Keagan Dolly,”

“Vho badela tshelede nnzhi, fhedzi tshigwada [Kaizer Chiefs] tshi tenda uri mbuelo dzenedzo dzo vha dzi songo tea.

Ndi ngazwo vha tshi khou sedza vhaṅwe vhatambi vha phanḓa nga nnḓa ha Percy Tau.

Ngauralo, zwa zwino, a si muṅwe wa zwipikwa.

Fhedzi kha bola ya milenzhe, a u vhuyi wa ḓivha zwine zwa ḓo itea tshifhingani tshi ḓaho. Fhedzi vhukuma a zwo ngo ralo.”

“Ngoho ho vha na tshifhinga tshe tshigwada tsha vha tshi na dzangalelo ḽa u saina Percy Tau, nahone ndi musi a tshi vho ṱoḓa u ṱutshela Aly Ahly.”

“Fhedzi a zwi tsha ralo. Tshigwada tsha thekhinikhala tsha Kaizer Chiefs, khathihi na muhasho wa u thola vhatambi,

Vho bvisa nnḓa u saina Percy Tau nga hetshi tshifhinga.

• VHALANI HAFHU : AmaZulu yo dzinginyisa tshigwada phanḓa ha khalanwaha ntswa

Zwi vhonala zwi siho kha pulane dza mugudisi nga tshifhinga tshino. Vho bva kha mbambe yeneyo.”