‘Kaizer chiefs i nga kunda orlando pirates’
Final yo khetheaho ya Nedbank Cup i tsini. Ri na thimu ya Soweto ya Kaizer Chiefs ine ya khou ṱangana na vhapikisi vhayo vha Orlando Pirates tshitediamu tsha Moses Mabhida.
Kaizer Chiefs ina tshikhala tsha muloro tsha u fhelisa gomelelo lavho la minwaha ya fumi la u sa wana tshiphuga.
Maswina a vhavhaho Orlando Pirates vha do vha na ipfi lihulu.
Musi vha tshi khou amba na vhoramafhungo phanḓa ha mutambo muhulwane nga Mugivhela ngei Moses Mabhida,
mutsireledzi wa kale wa Kaizer Chiefs Vho-Mokeke Tsotetsi vho eletshedza uri Orlando Pirates ndi yone ine ya ḓo funeswa.
“Heyi ndi fixture ya vhufhura. Vhatukana vhashu a vha khou tamba zwavhudi, u amba ngoho,” Tsotesi o ralo.
“Heyi thimu ya Chiefs i a kona u kunda Pirates, fhedzi u sa dzula havho ndi khaedu khulwane. Ndi ngazwo Pirates i tshi anzela u vha na vhuimo ha ntha kha debi, zwothe zwi bva kha u sa shanduka,” o vhudza Kick Off.
“Chiefs kanzhi i tamba zwavhuḓi kha hafu ya u thoma, fhedzi kha hafu ya vhuvhili, zwi nga fhambana vhukuma.U pfesesana na vhuṱumani vhukati ha vhatambi zwi na mushumo wa ndeme kha mutambo.
“Fhedzi ndi a tenda uri Chiefs i ḓo vha i tshi khou ṱoḓa u ḓirengulula nga murahu ha zwe zwa itea kha debi vhege yo fhiraho.Ndi tama u vhona mugudisi a tshi ḓivhadza zwiṱirathedzhi zwine zwa ḓo ri mangadza.
“Naho Pirates yo tamba na Golden Arrows nga Ḽavhuvhili nahone mugudisi wayo o fhumula vhaṅwe vhatambi, ndi tenda uri Chiefs i ḓo kunda, nga maanḓa na vhatambi vha ngaho Relebohile Mofokeng vhane vha ḓo shuma sa vhane vha nga tshinya phathi ya Pirates,” o pendela nga u ralo.
Translated by Nthaduleni Rolivhuwa
