‘A ri vhafuniwa, fhedzi Kaizer Chiefs ndi yone’ – Mugudisi wa Pirates
Muthusa mugudisi wa Orlando Pirates Vho-Mandla Ncikazi vhari Kaizer Chiefs yo kunda Buccaneers musi thimu idzi mbili dzi tshi guma u tamba kha mutambo wa u fhedzisela.
Vho-Mandla Ncikazi vhari Kaizer Chiefs ndi yone ine ya funeswa u dzhena kha mutambo wa u fhedzisela wa tshiphuga tsha Nedbank mafheloni a vhege.
Hezwi zwi khou itea naho Buccaneers yo wina mitambo yayo miṱanu ya u fhedzisela ya Soweto na Amakhosi.
Ncikazi u pfa uri Chiefs ina ḓivhazwakale yo pfumaho ya u wina zwiphuga ngauri yo wina zwiphuga zwa 13 zwa Nedbank Cup musi i tshi vhambedzwa na Pirates’ 10, 2019.
“Ri a zwi ḓivha uri ri khou tamba na thimu yavhuḓi vhukuma, Kaizer Chiefs,” Ncikazi o ralo u ya nga iDiski Times.
“Ḓivhazwakale ya thimu mbili dzi amba uri, dzo no tamba lwa 23 u bva tshe muṱaṱisano uyu wa thoma. Ro no u wina lwa 10; iḽa ya wina lwa 13.
“Zwa zwino, vho no kora zwikoro zwa 14. Ndi vhona unga ndi vhone vhane vha dzhia zwikoro zwa nṱhesa vho no kora zwikoro zwivhili fhedzi, ngauralo a zwi nga ḓo vha mutambo wo leluwaho, fhedzi sa nga misi, ri ḓo tamba mutambo uyu u itela u lingedza u kunda.”
“Tsha uthoma, Chiefs yo vha yone ya u fhedzisela u wina kha mutambo wa u fhedzisela wa khaphu we ra fhedzisela u tamba vhukati ha thimu idzi mbili.Tsha vhuvhili, Chiefs ndi thimu yo fhumulaho zwavhuḓi arali na sedza uri ro no tamba mingana, ro tamba mitambo ya 48, vhone vho tamba mitambo ya 34.
“U dzhena kha hoyu mutambo, ro vha ri tshi khou tamba mulovha, nahone Chiefs yo vha i na vhege yoṱhe ya u ḓilugisela, ngauralo a ri ṱoḓi u wela kha vhukhakhi ha u humbula uri ri vhafuniwa. A ri nga ḓivhi, fhedzi Kaizer Chiefs ndi yone.” ho amba mugudisi wa Pirates.
Translated by Nthaduleni Rolivhuwa
