Riveiro: Mugudisi a tevhelaho wa Pirates u do vha o teaho mushumo
Zwi vhonala unga Jose Riveiro u na nḓivho ya uri mutevheli wawe u ḓo vha nnyi musi a tshi ṱutshela Orlando Pirates mafheloni a khalanwaha ya zwino…
Orlando Pirates yo vha yo farwa nga u ṱangana hayani nga MC Alger nga Ḽavhuraru, fhedzi i kha ḓi ya kha semi-fainala dza CAF Champions League.
Mugudisi wa Orlando Pirates Vho-Jose Riveiro vho fulufhedzisa vhatikedzi vha tshigwada uri muthu ane a ḓo vha tevhela u ḓo vha muthu o teaho mushumo uyu.
Zwino, maṱo oṱhe o sedza kha mulanguli wa Pirates Dr Irvin Khoza uri vha ḓo vhea nnyi uri a ḓadze zwienda zwihulwane zwine zwa ḓo siwa nga Riveiro.
MuSpain uyu u do dzhena fhasi sa munwe wa vhagudisi vho bvelelaho kha divhazwakale ya Sea Robbers.
O no wina zwiphuga zwiṱanu zwihulwane kha Pirates kha miṅwaha yawe miraru, nahone zwi nga vha zwa rathi musi a sa athu ṱuwa kha tshigwada.
Arali Pirates ya kunda Kaizer Chiefs kha mutambo wa u fhedzisela wa tshiphuga tsha Nedbank nga Mugivhela tshitediamu tsha Moses Mabhida.
Zwino, musi vha tshi khou amba na vho ramafhungo nga Lavhuvhili, Riveiro o ri a si nga nthani ha mushumo wawe uri Pirates yo shuma zwavhudi fhedzi ndi ya tshigwada.
O tenda uri pulane i hone, na uri ane a dzhena uri a dzhie vhuimo zwi ḓo leluwa u isa phanḓa he a litsha hone.
“Heyi ndi phurojeke ya kilabu, hu si phurojeke ya Riveiro, ndo fhindula mbudziso iyi lunzhi, lunzhi,” ho amba Riveiro sa zwine FARPost ya amba zwone.
“Bola ya milenzhe ndi tshiṱirathedzhi, nahone Orlando Pirates ndi tshiimiswa tshihulwane; a hu na tshine tsha ḓo shanduka ngauri Riveiro u dzhena kana u bva.
“Buccaneers a i ṱoḓi u vhilaela nga ha zwenezwo ngauri vhumatshelo ndi havhuḓi kha tshigwada, nahone zwi ḓo tshimbila zwavhuḓi.”
Translated by Nthaduleni Rolivhuwa
