‘Ni songo ntsinyusa’: Nabi o ṱhasela muvhigi wa mafhungo.
Mugudisi wa Tunisia Vho-Nasreddine Nabi vho sinyuwa nga murahu ha musi vho vhudziswa arali vhe muthu o teaho u ranga phanḓa tshigwada tsha Kaizer Chiefs.
Mugudisi muhulwane wa Kaizer Chiefs Vho-Nasreddine Nabi vho aravha vho sinyuwa musi vha tshi vhudziswa uri ndi vhone muthu o teaho u ranga phanḓa Amakhosi naa.
Glamour Boys yo sedzana na u kundwa nga Orlando Pirates nga 2-1 tshitediamu tsha FNB nga Mugivhela,
zwine zwa vha u kundwa lwa vhu 12 kha ligi.
Mvelelo iyi yo khwaṱhisa khanedzano nga ha u shuma zwavhuḓi ha vhurangaphanḓa ha Nabi.
Nga murahu ha debi, Nabi o vhudza munwe muvhigi uri a songo mu sinyusa musi a tshi vhudziswa arali e muthu o teaho u ranga phanda Kaizer Chiefs.
“A thi vhoni u nga inwi (muvhigi) ni muthu o teaho u dzhia tsheo ya uri ndi ḓo dzula kana hai. Mushumo wanga wa uri ndi ngani ndi fhano kha kilabu ndi maitele nahone ri nga si lavhelele mvelelo nga u ṱavhanya,” ho fhindula mugudisi wa Tunisia.
“Ndo ḓa fhano nga nṱhani ha maitele nahone a ni nga mmbudzisi uri ndi ngani ndi tshi dzula fhano ngauri mvelelo dzi si dzavhuḓi, ni songo ntsinyusa ngauri a thi mugudisi muswa, ndi na tshenzhemo nnzhi.
“Ambani na nṋe nga ha maitele a mutambo fhedzi ni songo ntsinyusa. A thi tshuwi ngauri ndo kundwa kha mutambo,” ho engedza Nabi nga murahu ha u kundwa ha Chiefs.
Mugudisi wa Tunisia o sala na mutambo muthihi wa u vhulunga khalanwaha yawe.
Amakhosi i do tamba na Pirates kha mutambo wa u fhedzisela wa Nedbank Cup mafheloni a vhege i daho vha tshi khou fulufhela u fhelisa gomelelo lavho la zwiphuga.
