Akani Simbine o ṋea tshigwada tshine a tshi funa ngeletshedzo

Muwini wa mendela ya Oḽimpiki Akani Simbine u a ḓivha tshithu tshithihi kana zwivhili nga ha u kunda.

Ndi zwifhio zwe a kovhelana na Kaizer Chiefs nga nwedzi wa Luhuhi?

Vho Simbibe vho dalela Muḓi wa Naturena nga nwedzi wa Luhuhi.

Kaizer Chiefs zwenezwino yo ṱanganedza mugidimi wa Oḽimpiki na mufuni wa Chiefs Akani Simbine kha Muḓi wa Naturena mathomoni a uno ṅwaha.

 O amba nga ha khuliso ya u kona u ya ofisini khulwane dza kilaba.

 Simbine o dzumbululela vhatambi vha Chiefs vhe a amba navho nga murahu ha u gudiswa uri o no reila a fhira fhano lunzhi, nahone u khou takalela u fhiwa tshikhala tsha u dalela Chiefs.

“Ndo vha ndi mufuni wa Chiefs ubva ndi tshe ṅwana muṱuku, nahone Amakhosi yo vha I kha malofha anga u bva kale nga hune nda humbula ngaho.”

Simbine o dovha a fhirisela maṅwe maipfi a ṱuṱuwedzaho kha vhatambi vha Chiefs, a engedza nga uri,

 “U ḓa fhano na u swika hune nda vha muṅwe wa vhanna vhane vha ṱavhanya u fhira vhoṱhe shangoni ndi nganea ya u sa shanduka, u ṱuṱuwedza, na nyaluwo.

• Vhalani hafhu: Siya Kolisi u ṱahela kha u vha muhulwane wa Springbok?

Vho isa phanḓa vha ri, “Sa mutambi wa phurofeshinala, ndi ṱuṱuwedzwa nga thimu ya Chiefs, nahone ndi fulufhela uri ndi nga vha ṱuṱuwedza nga tshiṱori tshanga uri vha dzule vha tshi sukumedza na u bvela phanḓa vha tshi ita uri miloro yavho i vhe ya vhukuma. Ri fanela u ita nga hune ra nga kona ngaho.”