‘Thimu dzi khou konḓisela Ribeiro vhutshilo’ Cardoso
Mugudisi muhulwane wa thimu ya Mamelodi Sundowns Vho-Miguel Cardoso vhari vhunzhi ha thimu dza PSL dzo vha dzi tshi khou vhilaedziswa nga Lucas Ribeiro nahone dzo vha dzi tshi fanela u mu thivhela.
Mugudisi muhulwane wa Mamelodi Sundowns Vho-Miguel Cardoso vho imelela Lucas Ribeiro nga murahu ha u fhungudzea ha fomo ya muṱhaseli.
Mutambi wa Brazil wa minwaha ya 26 u ambiwa uri ndi ene mutambi wa khwine kha PSL ino khalanwaha, o kora zwikoro zwa 13 kha mitambo ya 21.
U bva tshe a kundwa nga Orlando Pirates, Ribeiro o wana zwipikwa zwi tshi konḓa u zwi wana.
Cardoso u pfa uri Ribeiro o vha a tshi khou ṱoḓiwa nga thimu zwenezwino, zwine zwa ita uri a konḓelwe u kora.
“Ndi a pfesesa mbudziso tshoṱhe nahone ndi vhona zwi zwa ndeme u ṋea muhumbulo… nga murahu ha musi Lucas o ita zwipikwa kha mitambo yeneyo na Pirates na Chiefs, nga murahu ha zwenezwo zwo vha zwi khagala uri thimu dzoṱhe dzo vha dzi tshi khou vhilaela nga maanḓa nga hae, dzi tshi mu vala nga vhatambi vhavhili kana vhararu,” Cardoso o ralo u ya nga iDiski Times.
“Zwo ita uri mushumo wawe u konḓe vhukuma nahone nga ṅwambo wa zwenezwo a ri mu vhoni o vhofholowa nga u rali mudavhini. Zwine zwa vha zwa ndeme ndi uri thimu i pfesese uri musi hu na vhatambi vhavhili, vhararu khae, hu na zwiṅwe zwikhala mudavhini zwine zwa fanela u shumiswa, ri fanela u ḓiṱanganya na zwenezwo.
“Hafhu, ene mune, u fanela u pfesesa musi a tshi wana mutsiko muhulwane nga u rali, u fanela u vhofholola bola a litsha vhanwe vha tshi tamba, uri a kone u di vhea kha vhuimo u itela u wana zwikhala na u tamba…,”
“Ndi vhona unga hezwo zwi do ḓa nga mvelo kha Lucas ngauri u khou shuma nga nḓila yo ḓoweleaho, ngauralo ndi sokou humbula uri a nga dzika zwavhuḓi u itela uri tshenetsho tshifhinga tshi swike na u bvelela.”
- Vhalani hafhu:Mutambo u tevhelaho wa Kaizer Chiefs
Musi Sundowns i tshi khou ṱoḓa u wina kha ligi ya CAF na kha ligi ya Betway, Cardoso o vha a tshi ḓo fulufhela uri Ribeiro u ḓo fheleledza o wana ndila yawe ya u kora.
