Kaizer chiefs yo kunda hani Mamelodi Sundowns

Kaizer Chiefs I kha mafhelelo a Tshiphuga tsha Nedbank tsha 2025 nga murahu ha gundo ḽi tshuwisaho ḽa 2-1 kha tshigwada tshihulwane tsha ḽigi, Mamelodi Sundowns.

Mutambi wa Sundowns Teboho Mokoena o vula tshikoro nga free kick nga nḓila yavhuḓi musi hu tshi fhela tshifhinga tsha u awela.

Mutambi wa Kaizer Chiefs Wandile Duba o wana tshikoro tsha u linganisa nga miniti ya vhu 57 phanḓa ha musi Ashley Du Preez a tshi dzhia tshikoro tsha u kunda nga miniti ya vhu 89.

 “Ndi vhona unga kha mitambo mivhili yo fhelaho na Sundowns ro vha ri si na mashudu ngauri a ro ngo dzhia zwikhala zwe ra zwi wana,” Nabi o ralo kha Sowetan.

 “Ṋamusi [Swondaha], pulane ya mutambo yo vha i ya uri ri fanela u tamba rokhwathisa, ro vha ri tshi zwi ḓivha uri Sundowns i dzulela u takalela u wana vhuleme,” Nabi o vhudza vhoramafhungo nga murahu ha mutambo.

“Ro vha ri tshi zwi ḓivha uri vhatambi vhavho vha vhukati tshiṅwe tshifhinga vha dzhia khombo nahone ro lingedza u sukumedza u itela u ita tshilibana. Ndi humbula uri na kha hafu ya u thoma zwo vha zwi zwa vhuṱali, mathomoni a mutambo, ro ri kha ri lange hafu ya u thoma. Ro vha ri tshi zwi ḓivha uri Sundowns yo vha yo [neta] nga murahu ha mutambo na Esperance nahone ro vha ri tshi zwi ḓivha uri vha nga si kone minets ya 90.

“Fhedzi ro vha ri tshi tea u sumbedza uri ro tea u vha kha final…”

“U fanela u sedza tshivhalo tsha miṅwaha ye ya dzhia Sundowns u fhaṱa thimu yayo, ndi ngazwo ri kha ḓi vha kha maitele. Ri khou ita nga zwituku nga zwituku u fhaṱa tshigwada tshashu,” mueletshedzi wa Kaizer Chiefs o engedza.

• Vhalani hafhu:Pitso mosimane kha orlando pirates?

“Ro vha ri na zwikhala fhedzi a ro ngo shanduka. Naho zwo ralo, vho kona u kora, riṋe ra kona u kora. Ri dzulela u humbudza vhatambi uri kanzhi ri tsini na u kunda mutambo, fhedzi hu na thaidzo, vhukhakhi kana mashudu mavhi fhedzi,” Nabi o phetha.