Pitso mosimane kha orlando pirates?

Nyambedzano nga ha mugudisi a tevhelaho wa Orlando Pirates i khou bvela phanḓa.

 Muṅwe wa vhahulwane vha dzhango, Pitso Mosimane, o bulwa.

Mugudisi muhulwane wa orlando pirates vho jose riveiro vha khou ṱuwa Soweto mafheloni a khalanwaha.

Ndi nnyi ane a fanela u vha mutevheli wawe?

Vhatambi vhavhili vha kale vha tshigwada vho humbelwa zwenezwino uri vha ṋee nyeletshedzo ya munna o teaho ane a nga dzhiela vhudzulo mutambi wa Spain ane a khou ṱuwa.

Mutambi wa kale wa tshigwada  Vho-Albert “Bashin” Mahlangu  vho vhudza Vho-Robert Marawa kha 947 uri Vho-Mosimane ndi muthu o teaho.

Nga murahu ha maḓuvha a si gathi Mpho Makola, na ene we a vha e ṋaledzi ya kale ya Orlando Pirates, o amba na FARPost uri mugudisi wa kale wa Mamelodi Sundowns, Bafana Bafana na Al Ahly u na tshenzhemo na vhuimo ha u bvela phanḓa he Riveiro a litsha hone.

Nga tshifhinga tshenetsho, Mosimane o vha e hayani Afrika Tshipembe sa mutambi o vhofholowaho u bva tshe a ṱutshela Esteghlal FC nga Nyendavhusiku 2024.

 Mosimane, mutambi wa kale wa Orlando Pirates maḓuvhani awe a u shuma, ndi mugudisi muhulwanesa wa Premier Soccer League a re na rekhodo ya zwiphuga zwiṱanu zwa ligi.

Mosimane ndi ene muhulwanesa wa Afrika nga rekhodo ya zwiphuga zwiraru zwa CAF Champions League.

Muṅwe mugudisi wa kale wa tshigwada tsha Orlando pirates, Rulani mokwena, o vha a tshi khou ṱangana na tshigwada tsha Sea Robbers.

• Vhalani hafhu:‘i tevhelaho ndi  Pirates’ vha Kaizer Chiefs vha ralo.

Mugudisi wa zwino wa Wydad Casablanca na muimeleli wawe zwenezwino vho khwaṱhisedza uri Mokwena u ḓo ṱutshela tshigwada tsha Morocco musi khalanwaha i tshi fhela.