‘i tevhelaho ndi Pirates’ vha Kaizer Chiefs vha ralo
Vhatikedzi vha kaizer chiefs vha na fulufhelo la uri thimu yavho i do kunda orlando pirates kha mutambo wa u fhedzisela wa Nedbank cup.
Izwi ndi nga murahu ha musi thimu ya Glamour boys yo kunda Masandawana nga zwikoro zwivhili kha tshithihi kha semi-final ngei Loftus Versfeld.
Wandile Duba na Ashley Du Preez vho kotra zwikoro kha hafu ya vhuvhili zwa ita uri Amakhosi i swike kha mutambo wayo wa u thoma wa u fhedzisela wa hayani nga murahu ha minwaha ya rathi.
Teboho Mokoena ndi ene we a vula tshikoro musi hu tshi kha ḓi tou bva u lila tshifhinga tsha u awela.
“Ho no fhela tshifhinga tshilapfu u bva tshe Orlando Pirates ya fhedzisela u tamba na Kaizer Chiefs kha mutambo wa u fhedzisela. Ri a livhuwa, Kaizer Chiefs, kha u ita uri zwi bvelele. Vhafuni vha bola ya milenzhe ya SA vho takala. Derbi ya u fhedzisela i dzula i tshi takadza!” Vho ṅwala kha Twitter.
“Tshi tevhelaho ndi Orlando Pirates, nga murahu ha zwenezwo ndi nnyi ane a ḓo wina Ḽigi ya Dzingweṋa nahone nga murahu ha zwenezwo khaphu ya ḽifhasi ya dzikiḽaba.” ho ṅwala @ManelisiKetse kha Twitter.
Mutambo wa u fhedzisela wa tshiphuga tsha Nedbank vhukati ha thimu ya Kaizer Chiefs na Orlando Pirates u ḓo tambelwa stadium tsha Moses Mabhida nga ḽa 10 Lambamai.
Buccaneers na Amakhosi vho fhedzisela u tamba kha mutambo wa u fhedzisela murahu nga 2014 musi Chiefs yo kunda nga 1-0.
