Kaizer Chiefs a I nga ḓo tamba ḽigi ya CAF khalaṅwaha I ḓaho.

Kaizer Chiefs a i nga ḓo tamba bola ya milenzhe ya CAF Champions League kha khalanwaha i ḓaho naho ya kunda mitambo yayo yoṱhe yo salaho.

Nahone zwenezwo ndi nga ṅwambo wa u pandelwa ha Royal AM kha PSL zwe zwa kwama thwii thimu dzi ṱoḓaho u vha 10.

Chiefs ndi inwe ya team dzenedzo nga murahu ha musi yo no wana point kha mutambo muthihi we ya tamba na Royal AM.

Zwino, zwithu zwine zwa khou bvelela zwi amba uri Chiefs yo xelelwa nga point nthihi nga murahu ha musi yo tamba na Royal AM nga 2-2 nwaha wo fhelaho.

Nga mulandu wa zwenezwo, Kaizer Chiefs zwino i na 29 points nṱhani ha 30 nga murahu ha mitambo ya 23 ya ligi.

Arali Chiefs, ine ya vha na khonadzeo khulwane ya u sa itea, ya kunda mitambo yayo miṱanu yo salaho ya ligi i ḓo vha i kha 44 points nga murahu ha mitambo ya 28.

Zwazwino, Orlando Pirates ine ya vha kha vhuimo ha vhuvhili yo no vha kha 46 points nga murahu ha mitambo ya 20, nahone hezwi zwi amba uri Chiefs a i nga ḓo vha fara.

Tshikhala tshithihi fhedzi tshine Chiefs ya kha ḓi nga tshi lwela ndi kha CAF Confederation Cup – nahone hu na nḓila mbili dza u zwi ita.

Tsha u thoma, Amakhosi i kha ḓi kona u fhedza kha vhuimo ha vhuraru kha ḽogo ya Betway Premiership na u dzhena kha CAF Confederation Cup fhedzi i ḓo tea u wina mitambo yayo na u ḓitika nga mvelelo dza dziṅwe thimu uri i kone u tshimbila nga nḓila yayo.

• Vhalani hafhu:Orlando Pirates yo wina R23.3 miḽioni

Tsha vhuvhili, vhatukana vha Glamour vha fanela u wina tshiphuga tsha Nedbank u itela u wana vhuimo havho kha tshiphuga tsha CAF Confederation tsha khalanwaha i ḓaho.