Orlando Pirates yo wina R23.3 miḽioni

Tshigwada tsha Soweto tsha Orlando Pirates tsho dzhena kha mitambo ya semifinal ya CAF Champions League, nga nṱhani ha u kunda MC Algernga 1-0.

Orlando Pirates i khou ḓipfa i ya nṱhesa nga murahu ha u dzhena kha semifainala dza CAF Champions League, nahone a zwi sokou vha zwa u ḓikukumusa na bvumo fhedzi.

Nga murahu ha u kunda MC Alger nga 1-0 nndwa ya u thoma ya kotare  mafheloni a vhege yo fhiraho, Sea Robbers yo vha yo farwa nga 0-0 ngei Soweto nga Ḽavhuraru vhusiku.

 Mvelelo dzo vha dzo eḓana uri Orlando Pirates i kone u vala ya semifinal na vhana vhaswa vho pfumaho vha Egypt kha buḽoko: Pyramids FC.

Nga zwa masheleni, u dzhena kha semifainaḽa dza Ḽigi ya Dzingweṋa dza CAF zwi ḓa na pfufho ya masheleni a USD 1,200,000 (R23.3 miḽioni).

Nga tshifhinga tshenetsho, Mamelodi Sundowns, ye ya kunda Esperance ya Tunisia nga 1-0 kha ṱhanganyelo, i ḓo ṱangana na Al Ahly kha iṅwe nndwa ya semifainala.

 Arali Orlando Pirates na Mamelodi Sundowns vha nga kunda mitambo yavho ya semifainaḽa,

ri ḓo vhona mutambo wa u thoma wa u finaḽa  wa thimu dza Afrika Tshipembe .

Buccaneers yo vha kilabu ya u thoma ya Mzansi u wina thonamennde nga 1995 phanḓa ha musi Sundowns i tshi dzhia khuliso nga 2016.

Nga tshifhinga tshenetsho, Pirates i ḓo ṱanganedza Marumo Gallants kha mitambo ya Nedbank Cup nga Swondaha,

• Vhalani hafhu :Rulani mokwena a ngavha mugudisi wa orlando pirates?

Ngeno Sundowns i tshi ḓo ṱanganedza Kaizer Chiefs kha miṅwe mitambo.