Vhatikedzi vha pirates vha khou toda Pitso Mosimane

“Pirates i ṱoḓa Pitso Mosimane; ri nga si kone u dzhia muṅwe mugudisi ane a ḓo dzhia tshifhinga tshilapfu u fana na Nabi u fhaṱa thimu ine ya ḓo kunda.”

Vhatikedzi vha Orlando Pirates vha khou ita khuwelelo kha vhalanguli vha kilabu uri vha wane tshumelo dza mugudisi wa Afrika Tshipembe Vho-Pitso Mosimane.

Hezwi zwi khou da nga murahu ha musi tshigwada tsho divhadza uri Jose Riveiro u khou litsha mushumo wa u vha mugudisi musi khalanwaha i tshi fhela.

“Naho ro vha ri tshi nga takalela uri José a engedze tshifhinga tshawe tsha u dzula na riṋe, nga tshifhinga tshi fanaho, ri ṱhonifha nga vhuḓalo phetho yawe. Ri livhuha zwoṱhe zwe a itela Kiḽaba.” Mudzulatshidulo wa Pirates Vho-Irvin Khoza vho ralo kha tshitatamennde.

“Zwe zwa swikelwa miṅwahani yo fhiraho zwi a ḓiamba. Dakalo ḽe José na vhashumi vhawe vha tikedzaho vha ḽi ḓisa kha heyi Kiḽaba a ḽi nga hangwiwi.”

Riveiro o no wina zwiphuga zwiṱanu na Pirates kha season tharu fhedzi u kha ḓi nga wina zwiṅwe.

Vhatikedzi vha Pirates vha vhona unga tshigwada tshi fanela u dzhia vhukando nga u ṱavhanya na u wana tshumelo dza Pitso Mosimane.

“Pitso ndi ene mugudisi a tevhelaho wa khwiṋe ane a nga isa heyi thimu phanḓa. Pirates a i nga koni u dzhia muṅwe mugudisi ane a ḓo dzhia tshifhinga tshilapfu u fana na Nabi u fhaṱa thimu ine ya ḓo kunda,” ho ṅwala kha Twitter @Timzozo1.

• Vhalani hafhu :Iṅwe nndwa hafhu ngei sitediamu tsha Cape Town

“Orlando Pirates i fanela u humbula nga ha u thola Pitso Mosimane nga zwiitisi zwo vhalaho zwi kombetshedzaho, zwo thewa kha rekhodo yawe na ṱhoḓea dza zwino dza kilabu.