Thaidzo ya Kaizer Chiefs’ – Nabi u dzumbulula

Mugudisi muhulwane wa thimu ya Kaizer Chiefs Vho-Nasreddine Nabi vho bvisela khagala thaidzo khulwane kha thimu yavho ino khalanwaha.

Mutambi wa minwaha ya 59 o vha na khalanwaha i konḓaho na Amakhosi,

 O kona u kunda mitambo ya 8 fhedzi kha mitambo ya 23 ya ligi u swika zwino.

 Nabi o ita khuwelelo ya u sa fhela mbilu, sa izwi hu nwaha wawe wa u thoma a tshi khou gudisa Afrika Tshipembe.

“Ndi thaidzo kha thimu; ndi vhona unga ri tea u sa fhela mbilu kha vhatambi. Ri tea u sa fhela mbilu, hu si u tshuwa,” Nabi o ralo kha vha KickOff.

“Arali ni tshi pfesesa bola ya milenzhe, hu na zwiṅwe zwithu zwi si zwavhuḓi, fhedzi ndi vhona u nga thimu yo fhelela kha zwiṅwe zwithu. nahone hezwi zwithu zwi si zwavhuḓi zwi kha tsheo ya u fhedzisela fhedzi. Solomons a si mutamba-phanda, nahone a si sitirakara; ndi mutamba-murahu. Thaidzo a si Solomons.”

Nabi o dzhia vhudifhinduleli ha mitambo mivhili ye Kaizer Chiefs ya kundwa ngayo nga murahu ha murahu kha ligi nwedzi wo fhelaho.

“Arali na sedza mutambo na Arrows na mutambo we ra kundwa ngawo na Richards Bay, ndi tshiimo nthihi. Thaidzo ndi heyi.

“Ndi dzhia vhuḓifhinduleli; a thi ṋei vhuḓifhinduleli kule, fhedzi u shandukisa nyimele, ri ṱoḓa zwithu zwivhili. Tsha u thoma ndi u sa fhela mbilu. Ri ṱoḓa u sa fhela mbilu. Tsha vhuvhili, ri ṱoḓa vhatambi vhanzhi vha re na inzhini,” o engedza nga u ralo.

vhalani hafhu: Maswa nga ha Tshegofatso Mabasa kha Pirates.