Maswa nga ha Tshegofatso Mabasa kha Pirates.
Hu khou pfala uri thimu ya Orlando Pirates yo engedza minwaha mivhili kha mutambi wa phanda Tshegofatso Mabasa.
Mutambi wa kale wa Royal AM u ṱoḓa zwikoro zwa malo u swikelela rekhodo ya Benedict Vilakazi ya zwikoro zwa 52.
A si khalanwaha yo bvelelaho vhukuma kha muwini wa PSL Golden Boot, o kora zwikoro zwiṱanu kha mitambo ya ligi ya fumi-sumbe.
Musi ho sala mitambo ya fumi nthihi (na zwikoro zwa ṱahe zwine zwa khou ṱoḓea), zwi a timatimisi uri Mabasa u ḓo vha mutambi wa Orlando Pirates ane a khou ranga phanḓa musi khalanwaha i sa athu fhela.
“Sa zwine ra khou amba zwino, thendelano yawe i ḓo bvela phanḓa u swika nga ṅwedzi wa Ṱhangule 2027,” SoccerLaduma yo vhiga.
“Kiḽaba yo no shumisa miṅwaha mivhili kha thendelano yawe. A si u engedzwa thwii kana thendelano ntswa. Zwa zwino, vho dzhia khetho ye vha vha vhe nayo kha mutambi, nahone zwenezwo zwi nga ngomu ha pfanelo dzavho dza u ita ngauralo. Thendelano yawe yo fhiraho yo vha i tshi khou fhela nga Fulwi ṋaṅwaha.”
Vhalani hafhu:‘Ndo kunda Chiefs lwa vhuṋa kha ino khalaṅwaha ’ – Manqoba Mngqithi
- Source: thesouthafrican.com
- Translator: Nthaduleni Rolivhuwa
