‘Ndo kunda Chiefs lwa vhuṋa kha ino khalaṅwaha ’ – Manqoba Mngqithi
Mugudisi wa Golden Arrows Vho-Manqoba Mngqithi vho zwi divhadza uri vho no kunda Kaizer Chiefs luraru kha ino khalanwaha.
Tshigwada tshawe tsho ṋea Amakhosi u kundwa havho ha vhufumi kha ligi kha ino khalanwaha tshitediamu tsha Moses Mabhida nga Mugivhela nga masiari.
Vha KZN vho dovha vha dzhena kha Arrows zwenezwino.
Musi khalanwaha i sa athu thoma, Mngqithi o mbo ḓi nangiwa sa Mamelodi Sundowns, a tshi khou dzhia vhuimo ha Rulani Mokwena.
O tou fhedza miṅwedzi miṱanu fhedzi a sa athu u bvisiwa nga ṅwambo wa mvelelo dzi si dzavhuḓi.
Kha minwedzi mina ye a vha a tshi khou langa, o kona u kunda Amakhosi luvhili.
Nga murahu ha mutambo, Manqonba Mngqithi o amba uri thimu yawe yo vha i tshi nga kora zwinzhi musi i tshi kunda Kaizer Chiefs nga 2-1.
“Ndo no kunda Kaizer Chiefs FC luṋa (luraru) kha ino khalanwaha. Mutambo uyu wo vha u tshi nga vha mutevhe wa zwikoro wo fhambanaho na zwine zwa khou eletshedzwa arali vhatambi vhanga vho dzhia zwikhala zwenezwo zwo xelaho.” o ralo sa zwine Sportswire ya amba zwone.
Musi thimu ya Mngqithi i tshi khou engedza zwikhala zwayo zwa nṱha zwa 8,
mugudisi wa Chiefs Nasreddine Nabi o ri thimu yawe yo kundelwa u dzhia zwikhala zwayo kha hafu ya u thoma.
“Ri pfa ro langa mutambo kha hafu ya u thoma nahone ro vha ri tshi nga kora sa izwi ro vha ri kha tshifhinga tshavhuḓi vhukuma fhedzi a ro ngo ita nga u ralo.” Nabi o vhudza SABC Sport.
“U huvhala ha Thabo Cele kha hafu ya u thoma, zwo ri khakhisa nyana kha hafu ya vhuvhili. kha u kwamana na vhatsireledzi na u ṱhasela, a ro ngo thoma zwavhuḓi kha hafu ya vhuvhili.
“Fhedzi tshanduko dze ra dzi ita dzo ita uri ri vhuyelele kha mutambo. nga murahu ra ṋea tshikoro nahone nga murahu ha zwenezwo zwi a konḓa vhukuma u vhuyelela kha zwezwiḽa.”
Vhalani hafhu:Ndi ngani PSL i sa ḓo engedzea ya vha na thimu dza 18
- Source: thesouthafrican.com
- Translator: Nthaduleni Rolivhuwa
