Ndi ngani PSL i sa ḓo engedzea ya vha na thimu dza 18
U engedza ligi ya vha thimu dza 18 zwi ḓo vhea muhwalo muhulwane wa masheleni kha vhaṋe vha kilabu dza PSL.
Thimu iṅwe na iṅwe i wana masheleni ṅwedzi muṅwe na muṅwe u bva kha ḽigi,
nahone u engedza dziṅwe kilabu mbili zwi ḓo engedza vhukuma tshumiso ya masheleni.
Nga nnḓa ha magavhelo a ligi, dzikiḽaba dzi khou lwisana na mbadelo dza u fara mitambo, nyendo, na vhudzulo.
Vhaṋe vha kilabu dza PSL vhanzhi vho no ḓi nanga u rengisa zwiimo zwavho nga ṅwambo wa vhuleme ha masheleni.
Arali hu si na zwiko zwiswa zwihulwane zwa mbuelo, u engedzwa zwi ḓo tou ṋaṋisa mafhungo aya.
PSL yo no vha na miṱaṱisano miraru ya knockout ya hayani,
dzikiḽaba dzine dza shela mulenzhe kha dzithonamente dza CAF dzi anzela u gungula nga ha u ḓala ha mitambo.
U engedza thimu nnzhi zwi ḓo ita uri mbekanyamushumo dzi vhe ṱhukhu, zwa ita uri hu vhe na mafhungo a lodzhisitiki.
U wana vhatikedzi ndi ḽiṅwe fhungo ḽine ḽa khou bvela phanḓa.
Kiḽaba nnzhi dzi wana zwi tshi konḓa u kunga vhatikedzi vha zwa masheleni,
nahone u engedza tshivhalo tsha thimu zwi ḓo tou engedza muṱaṱisano wa u wana masheleni a si gathi a u tikedza.
Vhane vha dzhia tsheo dza ndeme dza PSL vha a timatima
Soso yo vhewaho zwavhuḓi nga ngomu ha ḽigi yo landula mavharivhari a u engedzwa :
“Ndi vhona vhathu vha tshi khou amba nga ha ligi ya thimu dza 18. Izwo zwithu a zwi nga ḓo itea. Vha tea u vhidza BOG (Board of Governors) ine ya vha na miraḓo yoṱhe ya 32. Ndi zwithu zwine zwa tea u haseledzwa na u tendelwa. Zwi ḓo kwama u huliswa na u fhungudzwa.”
Soso iyi yo dovha ya sumbedza vhuleme ha zwa masheleni ha ligi:
“Kale, sa zwine zwa vha zwone, ligi a i khou ita tshelede yo eḓanaho. Ngauralo, vha ḓo tea u shumisa masheleni a ṱoḓaho u vha R30 miḽioni nga kilabu, nahone zwenezwo zwo kalula. Tshelede yeneyo i ḓo bva ngafhi? Hezwi zwithu zwa ligi ya thimu dza 18 a zwi nga ḓo itea.”
Vhalani hafhu: Iṅwe tshanduko kha mafhungo a Saleng na Orlando Pirates
- Source: thesouthafrican.com
- Translator: Nthaduleni rolivhuwa
