Huṅwe vhukhakhi! Bafana Bafana i nga xelelwa nga phoindi tharu.
Mokoena o vha o bukiwa kha mutambo wa u vula wa Bafana na Benin na Zimbabwe zwine zwa amba uri o vha o fanela u imiswa kha mutambo wa Lesotho.
Bafana Bafana i nga dzhielwa phoindi tharu nga u dzhia mutambi a songo teaho kha mutambo wavho na Lesotho vhege yo fhiraho.
Mutamba vhukati wa Bafana Mokoena o ṅwaliswa kha mutambo wavho wa u thoma wa u ṱanganela kha World Cup na Benin nga 2023,
na mutambo wa vhuṋa wa u ṱanganela na Zimbabwe ṅwaha wo fhiraho.
Mutambi wa Mamelodi Sundowns o vha a tshi khou tea u thivhelwa mutambo muthihi musi a tshi tamba na Lesotho naho zwo ralo. o tamba musi a tshi tamba na Likuena.
Nga Ḽavhuvhili, dzangano ḽa bola ya milenzhe ḽa Lesotho (LFA) ḽo khwaṱhisedza uri ḽo rumela mbudziso kha Fifa.
“Mbudziso ndi ya uri, naa ho pfukwa mulayo? Arali zwo ralo, ri na pfanelo yo fhelelaho ya u gwalabela na u wana mbuno. Ro ḓivhadzwa nga ha u ṅwaliswa ha Mokoena nahone u bva tsheetsho ro rumela ṱhoḓisiso ya fomala kha CAF na Fifa.” ho amba muṅwaleli muhulwane wa LFA Vho Mokhosi Mohapi u ya nga Sowetanlive.
“Ro pfa uri Nigeria na yone i khou toda u gwalabela nahone na vhone vha na pfanelo ya zwenezwo ngauri mvelelo (nga Lavhutanu lo fhiraho) i na luvhengelambiluni kha munwe na munwe. A ri sokou ri ndi rine vhe ra tambisa mutambi a songo teaho u tamba ra wana dzi points. Bafana vho vha vha tshi do ita zwi fanaho.”
Teboho Mokoena ho ngo dzhena kha mutambo wa Bafana na Benin nga Ḽavhuvhili.
Dzangano la bola ya milenzhe la Afrika Tshipembe li kha di do fhindula kha fhungo ili.
Milayo ya FIFA ya vhuimo ha u thoma ha Tshiphuga tsha Ḽifhasi tsha 2026 yo amba uri mutambi ane a wana garaṱa ya vhuvhili ya muvhala wa tshitopana kha mutambo wa u khwaḽifaya u fanela u xelelwa nga mutambo u tevhelaho wa khwaḽifikhesheni.
Arali vhatambi kana vhaofisiri vha thimu vha wana ngeletshedzo mbili kha mutambo muthihi …
kana kha mitambo mivhili yo fhambanaho ya muṱaṱisano, vha ḓo imiswa nga u tou ḓiitela kha mutambo u tevhelaho wa thimu yavho.
vhalani hafhu: LOL! Kaizer chiefs i kha vhuimo ha vhu 100 kha ḽa Africa .
- Source: thesouthafrican.com
- Translator: Nthaduleni Rolivhuwa
