Vhalanguli vha Kaizer Chiefs vha ima na mugudisi Nabi
Mulanguli wa zwa u maketa na vhubindudzi wa Kaizer Chiefs, Vho Jessica Motaung,
vho bvisela khagala mavhonele a tshigwada nga ha u kundeliwa ha mugudisi Vho Nasreddine Nabi u wana mvelelo.
Mugudisi wa Kaizer Chiefs Vho-Nasreddine Nabi vha songo vhilaela nga ha tsireledzo ya mushumo wavho.
Nga murahu ha u kunda lwa Malo fhedzi kha mitambo ya 22 ya Betway Premiership,
mugudisi Nabi o vha a tshi ṱoḓa vhuimo ha tshigwada u itela u dovholola thikhedzo na u sa fhela mbilu havho.
“ zwine nda nga amba ndi uri ri na thimu ya thekhinikhala, ri na mugudisi, vha khou ita mushumo. Nahone vha na thikhedzo ya u ita mushumo.” Motaung o vhudza vha FARPost.
“Ri a zwi ḓivha uri hoyu ndi mutambo ndi mulapfu.
A ro ngo dzhena khawo ri tshiri ri ḓo wana mvelelo nga u ṱavhanya.
Fhedzi ngoho ndi ya uri, ndi humbula uri ngudo dzi hone.
Thimu ya bola ya milenzhe i khou shumisana zwavhuḓi na vhagudisi u vhona uri zwithu zwine zwa tea u tandululwa zwi a tandululwa.
“ Ṱhuṱhuwedzo yanga kha vhatikedzi ndi ya u tikedza thimu na u vhona uri ri swika kha mutevhe wa u fhedzisela wa khalanwaha.
“Fhedzi hu na u guda huhulwane na ṱhoḓea ya u sa shanduka. Hu na mushumo murahu u vhona uri zwenezwo zwi a itwa.” Ndi Vho Motaung vha tshi pendela.
Vhalani hafhu: Mutambi wa Mamelodi Sundowns O ḓibvisa kha tshigwada tsha Bafana Bafana!
- Source: thesouthafrican.com
- Translator: Nthadulani Rolivhuwa
